Isayas 9:18 - Fanawbuid tagsibaliwas Fakayabian

¹⁸ Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Isayas 9:18 ပူးပေါင်းရင်းမြစ်များ

1 Fun 16:21

Ginanya, ngay taw Israel ankafud sas dua. Ay sik afud at fakaylatun at fun Tibni, Ginat at baguama. Ay faduak afud at fakaylatun at fun, Umri.

Alubad. 37:20

Dewa katanya, at mauri fag ngay taw umbul. Yawi at ngay fawayan umkalyam yangay ban kata barugwak, ay kata sik anus nu kalyam.

Alubad. 68:2

Dius nangus gaiyan wan kanya fag ngay taw, kata tagmara nu gfalayug anus. Ay at mauri nangus fag ngay taw kabul wan sis Dius at daga salubangan, kata way sik lune fag salung takalanang sas afuy.

Alubad. 83:14

Irugi wan kanya fag ngay taw kata ngay fun kayu sasad araw, ay ngay tanum sa sangay fungsu nu kairug. Ay fafaloi anya fagayu siginan am nawat fag fulug, ay falimui siginan am nawat fag tagmara at maksvn.

Isayas 1:31

Ay at mabalyanan ban fag taw umkata sik baruk, ay at fakamulun kata sik batsio, ay fagdua umsik igang, ay wa ban e mafarabung ya kanya fag afuy.

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 27:4

Kdi kauri kafag tanuman wat ubas. Ay dewa katanya, nu e lagan au at madugi fag makmak, ggulad kwan ay girug.

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.

Isayas 30:30

Ay sanya Yawi namadungug at mabalyanan fag aringang, ay namasure at daluap laman gfasaful te, mafalganan wa namauri aroro maksvn nu kadotama. Gfasfuan sik tagigang fag afuy, ay arak way nu umbusbus, ay glimbad ay gtalafun, ay arak yelu kadaul ngay gang ayu sirut.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 33:12

Umkirug ban am yakmay umkata dafug. Kata yangay am sik madugi fag makmak nu e nalifung ay e nairug.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Isayas 5:24

Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Isayas 50:11

Dewa katanya, dirii, fagayu am at ke algan namauri sa ay iba, aroro am yay ban at nangafaurianan kata ay ngay algan! Yawi ban tagfaurianan ayu, ay umbul ban am sat maksvn fag anini.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Usea 13:3

Nu katanya, umkalyam ban am kata linyabu ay damug sbalabag, ay kata upa nu kalayug gina gtagmara, ay kata anus nu gduksun siginans faraungan.

Uel 2:20

Ay at namawayan ban ayu fag ngay taw tagsiginans fawalan fag alvngvdan baliwa, nangaiyan kwan ay namasas talun at yud e taw. Taguna ban fag gaban namasa kwas Dagat at Mabulan. Ay taguyan ban fag gaban namasa kwas Mediteranyu fag Dagat. Ay kanya ban fagayu nu nbul, umbasung.” Nu katanya, maksvn nu madulo Yawi at nafakamulun.

Uel 2:3

Ngay liung masakit nu gfamin ngay tanum kata afuy nu girug. Gina kafag ngay liung kadasug, kafag talun masine oma kata tanuman Eden. Dewa katanya, ngay liung nu naon wan we fasawadan ya, ay ankata way lang at yud e taw fag talun.

Amus 7:4

Fun Dius Yawi e nafalag yay fia sa angku: nalag au kanya nu gfalganan laman namaurianan ngay taw Israel siginan sik afuy, laman ban kafag afuy namalanggang ngay bulbug ay nangirug nusnga setaw sis talun Israel.

Ubadyas 1:18

Akub ban ay Use at kasugfunanan umkata sik afuy, ay namamin ban Isaw at kasugfunanan, ay Isaw ban umkata sik nagbiluganan fare at masakit nu kairug, yakmay namin. Au, Yawi, taglong tuy.

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.

Ebreu 6:8

Dewa katanya, tagtugbung sanya fag daga nu dugi way ay nu makmak way lang, we tungkul kafag daga, ay munakbang wan Dius nu gfauri anya. Ay sa ban at fakatabuan, girug wan.

At Nafasure 14:11

Ay tagfaidapan anya fagayu fag anus tagsiginans afuy kaabat kabavn ban. Kayu menit ay yabi gidapan, aroro naseg tagfangagat fag mela ay nafariruk sat ngay dangasan ay sat ngay daluap kafag mela at ngayan.”