Isayas 9:17 - Fanawbuid tagsibaliwas Fakayabian

¹⁷ Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:17 ပူးပေါင်းရင်းမြစ်များ

Ub 15:34

Ngay taw at yud kalimu Dius kabul wan ay wa kae ngay sugfun. Umkirug ban at nawat fag ngay bale tagsiginan way sfamaylatan.

Alubad. 109:12

Lag nangus e kafanyu ya anya, ay katanya yangay anggan ban sat ngay sisian gina yud e mama ya.

Alubad. 147:10

We masuad sa anya at mabitsug fag kabayu, ay at maseganama fag ngay tagfawayan.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 13:18

Ay kanya fagayu we afanyu ya gfabul taw Babilunya at ngay baguama siginans banyas. Ay wa yangay e afanyu ya sa sangay sisian.

Isayas 14:20

Wa ban e namoli ya emu kata tibak fun, aroro o yay at narasras am talun ay at nafabul am ngay taw.” At mauri fag ngay taw wa ban e kasugfunanan ya kabavn.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 31:2

Anggan Yawi e fagsafulun yangay, ay kanya tagfae faurianan, ay gfafasludan wa fia at nalong. Namaurianan wa fia tagfaning mauri at talanan, ay anggan taggubuk kafag talanan.

Isayas 31:3

Ngay taw Igiptu sik ngay taw way kata ayu, ay bunwa Dius. Ay at ngay kabayu bunwa sik ngay falad, kanya kata yay tibak kabayu. Ay gina ban Yawi gfauri, umrasras wan talun Igiptu anggan at faggubukun fag ngay talun at ngay taw. Ay kafag duak talun umkamin ban.

Isayas 33:11

Am fag ngay taw Asirya, we fanambagun ay ngay algan ay fagayu ay fakamulun. Ay ay fakadotamaun kata sik afuy tagfamin ayu.

Isayas 33:12

Umkirug ban am yakmay umkata dafug. Kata yangay am sik madugi fag makmak nu e nalifung ay e nairug.

Isayas 40:30

Ngay baguama kamomuy yangay ay kalufuy ay kataid,

Isayas 5:24

Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Isayas 65:19

Ay guseganan kyangay ban furuan Erusalem ay sa sangay taw tagbanwan sanya. Sanya ban we gwayway ya ay get gubuk, ay we gfandeng.

Isayas 9:12

Ngay taw Sirya ban kadasug siginans fakamenitan ay ngay taw Filistia kadasug yangay siginans fakayabian laman nanrasras talun Israel. Kanya fagayu kata at madot fag mela at mafalganan wan nangagat. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Esekyel 20:33

Au, Fun Dius Yawi, gfatuyanan au te, kafanud nu gleleg au, nanfunan kban ayu ke fagmabalyananun ay at maksvn fag fandotaman.

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Amus 8:13

Gina kban gfaurianan ayu fag menit, ay ngay baguina at masine ay ay ngay baguama at maseganama ummomuy aroro maksvn nu kadanum.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Mateu 12:34

Kata wayam sik ngay ule at ke ganga! Ay fagyudun mafafoyung at masine, aroro mauri am. Aroro sik taw glong nusnga setaw tagsit amatanganan.

Mateu 16:3

Ay gina sbalabag glong am te, ‘Karak way ro siring newa banwa dewa gmangalay, madulum way sat ligung.’ Nasaful wam at fakatoglagan sis banwa ay dewa katanya wam saful fakatoglagan sabaliwa takadasug ban fag ngay menit.