Isayas 9:13 - Fanawbuid tagsibaliwas Fakayabian

¹³ Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Isayas 9:13 ပူးပေါင်းရင်းမြစ်များ

2 Krunika 28:22

Ay dewa fun Akas gidapan, kanya gfataglayun yay nu kamabo Yawi.

Ub 36:13

Ngay taw at yud gfaning Dius, gsuksuk gugat fakadotamaun sat amatanganan, ay Dius dewa gfaurianan anya fagayu, kanya fagayu wa get gubuk sas Dius.

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 19:15

Nusnga sinu fag taw sis talun Igiptu wa mafagubuk at sadili talun, dewa mabalyanan ay at yud e kwa, ay dewa takadungug ay at yud kadungug.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Isayas 7:20

“Ginanya ban fag buknga, Fun Dius gagbilug Asirya at fun tagsiginans dife Liskung Eufrates laman nanrasras ay talun. Kanya namaurianan ayu kata at nabayad fag tagufo laman nangufo ay buk, ay ay umi, ay ay sigyu.

Eremyas 15:7

Namaurianan kban ayu kata upa nu kalayug sas sakbawan furuan daul. Namamin kban ayu anggan ay ngay sisian, aroro wam nafaragang nu gugali am at mauri.

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Esekyel 22:24

“Taw at baguama, nanlong o sa sangay taw Israel te, ‘Aroro wam kaylat nu gfasine au ayu fagayu, kwa ban kafanyu ya ayu, gina kban gfaurianan fag menit.’

Esekyel 24:13

“ ‘Matuyan, furuan Erusalem, nafasik mauri o emu siginan am nafakamulun at mauri. Gugatan koma gfasine emu, dewa katanya, wo kaylat kasine. Nu katanya, yakmay kban nafadasug sa emu ku fandotaman at maksvn, mauri way o gugat.

Daniel 9:13

Anfasludan sa emi kanya fag faurianan kata at marirukan sis Muisis at Faugali. Ay dewa ndasug sa emi takatanya, wami naugatan laman guseganan tuo emi siginan nu gubun ami em ngay asalanan ay nu gafanud ami sa emu.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Amus 4:6

Au wan at nafadasug sa ayu fanlunus sas nusnga nday fag furuan, dewa katanya, yam kafoli sa angku. Au, Yawi, taglong tuy.

Sefanias 1:6

Namamin kyangay tagtalyuyan ay at yud kakbang sa angku.

Deuterunumyu 4:29

Dewa katanya, nu grvbvy tua ban am gugat ay Dius Yawi sas fagdaul ay amatanganan, lumag ban am anya.