Isayas 9:12 - Fanawbuid tagsibaliwas Fakayabian

¹² Ngay taw Sirya ban kadasug siginans fakamenitan ay ngay taw Filistia kadasug yangay siginans fakayabian laman nanrasras talun Israel. Kanya fagayu kata at madot fag mela at mafalganan wan nangagat. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:12 ပူးပေါင်းရင်းမြစ်များ

2 Fun 16:6

Ginanya, Resin, Aram at fun, nagbilug yay furuan Elat, siginan kanya nu gaiyan ngay taw Uda. Ay ngay taw Aram namanwan sanya ay sanya wan nu gbanwan dasug katsi.

2 Krunika 28:18

Ay anggan ngay taw Filistia nanamawayan yangay sas talun Uda fag ngay furuan, tagsi sangay buksul, ay tagsis Negeb. Ay kanya fagayu nagbilug ngay furuan Bet-Semes, Ayalun, Gederut, Suku, Timna, ay furuan Gimsu, ay anggan fagayu furuan at munakbang sanya, ay kanya fagayu nabanwan sanya.

Alubad. 79:7

Aroro kanya fagayu nafabul am ngay taw Israel ay naiklas at fagbanwanan.

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 10:25

Fadasugi am dotama sa sangay talun at taw at yud natoglag emu ay sa sangay taw at yud nangakbang sa emu, aroro kanya fagayu nafamin Akub at kasugfunanan ay naiklas at ngay bale.

Eremyas 15:7

Namaurianan kban ayu kata upa nu kalayug sas sakbawan furuan daul. Namamin kban ayu anggan ay ngay sisian, aroro wam nafaragang nu gugali am at mauri.

Eremyas 35:11

Dewa katanya, gina fun Nabukudunusur, Babilunya at fun nanamawayan ste sfuruan, anlimu ami maksvn ngay taw Babilunya ay taw Aram at ngay tagfawayan, nu katanya, ansadi ami te, glagyu wami sas furuan Erusalem. Kanya wan katsi em fagbanwanun iste fag furuan Erusalem.”

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Esekyel 16:27

Nu katanya, namaurianan kban emu ay namalay au am fagnangagbilugun fag talun. Namagbilug au emu sam ngay fawayan fag ngay taw Filistia. Kanya fagayu andulo yangay am ngay nafakamulun mauri.

Esekyel 6:14

Gfaurianan kban anya fagayu nusnga nday nu gbanwan ay namasik mabaluan kban at talun, siginan at yud e taw fag talun ay tagsas fawalan baliwa fag alvngvdan ay sas Dibla tagsis fasiunan baliwa fag alvngvdan. Nu katanya, kanya ban fagayu sumaful te, au Yawi.”

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Amus 4:6

Au wan at nafadasug sa ayu fanlunus sas nusnga nday fag furuan, dewa katanya, yam kafoli sa angku. Au, Yawi, taglong tuy.

Amus 4:8

Naranranugan am glulian sa sangay furuan laman nanrvbvy ay fanginum, dewa katanya, ya nsak. Dewa kaksvn nya nu gidapan am, yam kafoli sa angku. Au, Yawi, taglong tuy.

Amus 4:9

Ngayu ginan koma gfauri ay ngay tanum siginan sik tagmara masugba ay siginan sik ngay dafang. Ay sik ngay liung nafamin ay ngay tanum fun kayu igus ay fun kayu ulibu. Ay dewa kaksvn nya, yam kafoli sa angku. Au, Yawi, taglong tuy.

Sefanias 1:6

Namamin kyangay tagtalyuyan ay at yud kakbang sa angku.

Sefanias 3:2

Dewa e gfoyung anya, wa kaylat gdungugan ay wa gafanud ay wa nangakbang sas Dius Yawi.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’