Isayas 8:8 - Fanawbuid tagsibaliwas Fakayabian

⁸ Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Isayas 8:8 ပူးပေါင်းရင်းမြစ်များ

2 Fun 17:3

Salmaneser, Asirya at fun, nafawayan Usea ay nababo. Nu katanya, Israel nafabulunan gfon at ngay famonun galay banwa sas Asirya.

2 Krunika 12:4

Ay fun Sisak nagbilug ngay furuan at ke alad tagsis Uda, ay nanamawayan yangay sas Erusalem.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 30:28

Ay nu gengasan kata wa sik mamam nu kabia, kabat sis liug. Ay gfamin wan fagayu talun at ngay taw kata way nu glayap. Kanya fagayu kata way sik baka at ke siuk sit dungus ay gatabanan sas faurianan.

Isayas 43:2

Dewa o glao sasad mamam, au wan am fadgaloan. Ay dewa o gdife sa sangay liskung, di o kalimus. Ay dewa o gdalan sasad afuy, wo kairug, ay di o kasugba dewa sasad igang.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 7:17

“Yawi ban namadasug sa emu ay sam fagfanggunaun fag ngay taw ay sam ngay kalongan, sik fagidapun at yud batang kadasug sa ayu, siginan ebi gina talun Israel ay talun Uda gsaruayan. At masuad, namadasug ban sa ayu talun Asirya at fun laman namawayan ayu.

Isayas 8:10

Nusnga setaw ban ay nafalganan fag fakamulun laman gfawayan am emi, wa ban umfasludan kata ay algan, aroro Dius gufud tua emi.

Eremyas 47:2

“E ngay tagfawayan tagsiginans fawalan fag alvngvdan kata sik lugwak at kinkapnu fagdaul furuan. Ay kanya nanrasras kanya fag talun fagdaul, anggan ngay taw tagbanwan sanya. Ngay taw ban maksvn nu gudguroan ay nu gwayway aroro kalimu.

Eremyas 48:40

Yawi glong yay fia te, “Damai! Muab at ngay fawayan kata sik bio at masakit nu glayug laman nanggamat at fagnangonun.

Eremyas 51:42

Talun Babilunya malubguban sit maksvn fag lugwak.

Esekyel 17:3

Nanlong o sanya fag ngay taw te, au, Fun Dius Yawi, glong au te, e sik bio daul glayug sabaliwas Lebanun. At fakfak marafad ay at sigyu marabung ay gridrirukun. Ay kanya naafun sa sik kayu sidru,

Esekyel 26:19

Fun Dius Yawi nalong yangay te, “Tiru, mabaluanan ban o fag furuan, at yud e gbanwan ya fag furuan. Namalubgub kban emu sa tangabasad fag lino.

Daniel 11:10

“Ay tagsi bans fawalan fag alvngvdan fag fun at ngay baguama namaful ngayuk tagfawayan laman namalganan nu namawayan. At sadi si anya nu namawayan kata sik lugwak at yud e mafaragang. Kanya namawayan yakmay andasug sat maaladan fag furuan.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Mikas 5:5

Ay kanya ban namae fagmanabayanun at fagfanggunaun fag ngay taw. Ngay taw ban Asirya nu namawayan way antam, am ngay tagfangguna ban at maseganama namangguna antam laman namabo anya fagayu.

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)