Isayas 8:7 - Fanawbuid tagsibaliwas Fakayabian

⁷ Nu katanya, namadasug au sa anya fagayu Asirya at fun ay at ngay tagfawayan, takata Liskung Eufrates gina glugwak, ay at mamam nasakfo sas dua tigyangan.

Isayas 8:7 ပူးပေါင်းရင်းမြစ်များ

Fakasigadan 6:17

Aroro namadasug kban sik lino daul sas fagdaul daga laman namamin fagayu tagleleg. Ay fagayu ban tagsis tungud daga umbul wan.

2 Fun 19:32

Katatuy Yawi at longan sabaliwas Asirya at fun: “Kanya ban wa gsakbo sas furuan Erusalem, ay wa magbilug at godun laman gfatos nusdi sadi at banyas. Kanya wa manangakbang at ke famalabag ay nanligung laman namawayan.

Alubad. 46:4

Siginan Tiba Tungud fag Dius at fagbanwanan, e sik liskung tagfae fagmanabayanun sa sangay taw tagsis Dius at furuan.

Alubad. 72:8

Kanya tua ban nangus tagfunan siginan sik dagat anggan ndasug tsiuy baliwa fag dagat, ay siginans Liskung Eufrates anggan sa sik fungfung daga.

Isayas 10:16

Nu katanya, tam Fun, Yawi at Mabalyanan, namae fakasaitun ban ngay taw Asirya at ngay tagfawayan at mabitsug, ay namadasug ban sik afuy daul tagigang laman nangirug kafag fun at fagmabitsugun ay at ramraman fagayu.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 11:15

Yawi ban namatat tagsis Igiptu fag dagat, ay namadasug sik masugba fag tagmara sas Liskung Eufrates laman umke fituk sarangan laman ngay taw madife.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Isayas 28:2

Dungugani fagayu am! Tam Fun Dius e nafalganan sik mabitsug ay sik mabalyanan fag talun at ngay taw at nanrasras ban Samarya. Kanya fag ngay taw kata sik maksvn fag fulug, ay kata sik tagbia fag lugwak.

Isayas 43:2

Dewa o glao sasad mamam, au wan am fadgaloan. Ay dewa o gdife sa sangay liskung, di o kalimus. Ay dewa o gdalan sasad afuy, wo kairug, ay di o kasugba dewa sasad igang.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 7:17

“Yawi ban namadasug sa emu ay sam fagfanggunaun fag ngay taw ay sam ngay kalongan, sik fagidapun at yud batang kadasug sa ayu, siginan ebi gina talun Israel ay talun Uda gsaruayan. At masuad, namadasug ban sa ayu talun Asirya at fun laman namawayan ayu.

Isayas 7:20

“Ginanya ban fag buknga, Fun Dius gagbilug Asirya at fun tagsiginans dife Liskung Eufrates laman nanrasras ay talun. Kanya namaurianan ayu kata at nabayad fag tagufo laman nangufo ay buk, ay ay umi, ay ay sigyu.

Eremyas 47:2

“E ngay tagfawayan tagsiginans fawalan fag alvngvdan kata sik lugwak at kinkapnu fagdaul furuan. Ay kanya nanrasras kanya fag talun fagdaul, anggan ngay taw tagbanwan sanya. Ngay taw ban maksvn nu gudguroan ay nu gwayway aroro kalimu.

Eremyas 51:42

Talun Babilunya malubguban sit maksvn fag lugwak.

Esekyel 26:19

Fun Dius Yawi nalong yangay te, “Tiru, mabaluanan ban o fag furuan, at yud e gbanwan ya fag furuan. Namalubgub kban emu sa tangabasad fag lino.

Daniel 11:10

“Ay tagsi bans fawalan fag alvngvdan fag fun at ngay baguama namaful ngayuk tagfawayan laman namalganan nu namawayan. At sadi si anya nu namawayan kata sik lugwak at yud e mafaragang. Kanya namawayan yakmay andasug sat maaladan fag furuan.

Daniel 11:22

Kanya ban gfabul ngayuk tagfawayan, anggan fun tagfon fanggalangun.

Daniel 9:26

Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Amus 8:8

Nu katanya, namae fanguig kban say daga, ay fagayu ban am gwayway am. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Amus 9:5

Ay daga guigan, tam Fun, Yawi at Mabalyanan nu nated, ay fagayu tagbanwan sanya gwayway. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Mikas 5:5

Ay kanya ban namae fagmanabayanun at fagfanggunaun fag ngay taw. Ngay taw ban Asirya nu namawayan way antam, am ngay tagfangguna ban at maseganama namangguna antam laman namabo anya fagayu.

Naum 1:8

Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Lukas 6:48

Kanya kata sik taw takawat at bale ay naali ngabasad, ay at turuk antungkud sas gang. Lugwak nu ndasug sat bale, di guigan at bale, aroro mogat tua.

At Nafasure 17:15

Ay kafag tagbarita nalong yangay sa angku te, “Am nalag fag ngay mamam, kafag mangena takamatugtug at fagmalunggungan, kanya ngayuk gaban taw, ay ngayuk taw siginans ngayuk talun, ay ngay taw tagsaman at fangaringang.