Isayas 8:22 - Fanawbuid tagsibaliwas Fakayabian

²² ay nadama sas daga, at lagan ban fagidapun way ay fagmadulumun ay fagafanawaun. Ay gaiyan ban anya fagayu sat maksvn fag fagmadulumun.”

Isayas 8:22 ပူးပေါင်းရင်းမြစ်များ

Ub 18:18

E gaiyan wa anya siginan at mayamag fag talun ay e nantaban wa anya sas fagfolian sat madulum fag talun.

Nu Galin 10:21

Yawi nalong sas Muisis te, “Fabati am daluap sas banwa. Ay umdulum ro maksvn sas fagdaul talun Igiptu.”

Nu Galin 10:22

Ay Muisis nafabat at daluap sas banwa, ay andulum maksvn sas fagdaul talun Igiptu kaduge tuluk menit.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Isayas 30:6

Katatuy Dius at foyungan sanya fag ngay mangilafang baliwa tagsis talun Negeb: Ngay taw Uda nalo sa sik talun maidap at dalan, ay e liun, ay e ngay ule ay dot kata tua nu glayug. Ay nafabuba at ngay fagmaramramanun sat ngay asnu ay kamelyu, laman famonun sa sik talun at ngay taw at yud mafagubuk anya nusdi alay.

Isayas 5:30

Ay ginanya fag menit, gina kanya fagayu gfawayan ngay taw Israel, guro kaksvn dagat nu gfawas. Ngay taw nu nadama sa sangay taw Israel at talun, at lagan fagmadulumun way ay fagidapun, aroro sik linyabu daul gfarum at mayamag.

Isayas 50:11

Dewa katanya, dirii, fagayu am at ke algan namauri sa ay iba, aroro am yay ban at nangafaurianan kata ay ngay algan! Yawi ban tagfaurianan ayu, ay umbul ban am sat maksvn fag anini.

Isayas 50:3

Ay mafadulum kyangay banwa kata sik malayung fag lanbung takabalu fag taw at fagsulunun.”

Isayas 59:9

Ay kanya wan Dius at fagyudun gfadasug faurianan sa tam ngay fawayan, ay kanya ya ngap nafon sa antam at famabo ay at fagmatuyanun. Nafanya tam yamag, dewa katanya, fagmadulumun way at kindasug, nu katanya, si way tam sfagmadulumun.

Isayas 60:2

Sik maksvn ban fag fagmadulumun sumuklub ngay talun sas fagdaul daga, dewa katanya, Yawi ban at fagmabalyananun tagyamag emu.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Isayas 9:1

Dewa katanya, tagidapan fag ngay taw at fagmadulumun kalyam ban. Ebi, Yawi nafabayan wan taw Sebulun ay taw Naftali at talun nu kapla. Dewa katanya, sik menit ban kanya gfasik masulo kafag duak talun. Sanya wan fag ngay talun ngay taw at dalan siginans tigyangan dagat tagsas Liskung Urdan. Kafag ngay talun, Galilea at fagagbilugun, at yud Udyu fag ngay taw at fagbanwanan.

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Eremyas 23:12

Nu katanya, kanya fagayu at dalan umdulum ay umdangsal. Ay kanya fagayu umtaid ay umlub, aroro namadasug au sa anya fagayu fagidapun gina kban gfaurianan. Au, Yawi, taglong tuy.

Mateu 22:13

“Ay kafag fun nalong sat ngay fagsuguan te, ‘Salodi kafag mangama at take ay at bitis ay ukasi sat madulum. Ay kanya ban gwayway gugat sanya ay gfaringgit at bagang.’ ”

Mateu 24:29

“Ay nu nlangfe wan kafag faurianan, ‘menit ban umdulum, ay magdanun wa gyamag ya, ay anggan ban ngay galeme katong siginans banwa, ay fagayu ke fagmabalyananun sis banwa muigan.’

Mateu 8:12

Satu ro ngay taw Udyu wan Dius at fagfagtainanun, ay at matuyan, kanya ban fagayu gaukasan way sat dayu, at maksvn nu madulum, ay gwayway ban gugat ay gfaringgit at ngay bagang.”

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

At Nafasure 16:10

Ay at falimak tagbarita naugwag at ba taya at bilug sa tagfangagat fag mela at faglunggungan, ay at fagfagtainanan andulum. Ay siginan at kinfasludan takatanya, ngay taw tanan wa gangrvt at ngay mesa leplep, at kaksvnan nu gidapan.