Isayas 8:21 - Fanawbuid tagsibaliwas Fakayabian

²¹ “Kanya ban fag ngay taw lumao nusnga nday fag afud talun Israel, ginlufuyan ay ginlunusan. Nu katanya, kanya ban fagayu umdotama ay lumong at maksvn nu mauri sat fun ay sat ngay fagsegan. Ay kanya ban fagayu dewa natangda sas banwa

Isayas 8:21 ပူးပေါင်းရင်းမြစ်များ

2 Fun 25:3

Ay sis fasiamk menit sis faufatk magdanun ginanya yangay fag banwa, anke fanlunus maksvn sis Erusalem, ay ngay taw tagbanwan sanya we fakonun ya.

2 Fun 6:33

Kaduge Elisyu garingang, kafag fagsuguan andasug ay fun glong te, “Yawi nafadasug sa antam fagidapun. Nu katanya, wain ku fagfanyaun yay at gubuk?”

Ub 1:11

Ay agvd! Faskudi buli fagayu tagsi anya. O wa ro ankuri emu?”

Ub 18:12

Ay aroro kalunus wan, kanya garimanan wa ayu sirut kamomuy, ay fagmauriun mafalganan wan laman namabul anya.

Ub 2:5

Ay nu nafaurianan long ro wo at bilug, matuyan kanya ro lumong wan sa emu at mauri.”

Ub 2:9

Ay at mangena nalong sa anya te, “O matuyan yay o gugat sam Dius? Longi wan sa anya at mauri, maro gfabul wan emu.”

Nu Galin 22:28

“Lag am gfauri Dius ay lag am glong at mauri say ngay tagfangguna.

Fangatulun 19:3

Sik taw at fagyudun e fagsafulun gfauri at sadili, ay arodi kanya namayud Yawi.

Isayas 14:30

Ay namafangon au fia ku ngay taw tagafalingunan ay namabanwan manabayan. Ay namabul au am ngay kasugfunanan at kinsawad siginans lunus.

Isayas 51:19

Duak faurianan at kindasug sa emu: am ngay fawayan narasras wan emu, ay am ngay taw nadalan at maksvn fag fanlunus. Nu katanya, we sawad ya am ngay taw laman tagfasun emu.

Isayas 59:9

Ay kanya wan Dius at fagyudun gfadasug faurianan sa tam ngay fawayan, ay kanya ya ngap nafon sa antam at famabo ay at fagmatuyanun. Nafanya tam yamag, dewa katanya, fagmadulumun way at kindasug, nu katanya, si way tam sfagmadulumun.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Eremyas 52:6

Ay sis fasiamk menit sis faufatk magdanun ginanya yangay fag banwa, anke fanlunus maksvn sis furuan Erusalem ay ngay taw tagbanwan sanya we fakonun ya.

1 Samwel 8:18

Ay ginanya ban fag menit, get am gubuk sa angku aroro ay nafili fag fun madot, dewa katanya kwa ban gbalus ayu.”