Isayas 8:20 - Fanawbuid tagsibaliwas Fakayabian

²⁰ Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Isayas 8:20 ပူးပေါင်းရင်းမြစ်များ

Esra 10:3

Nu katanya, katsi, gfatuyanan ami te, gfaning tua ban ami am ngay foyungan sa emi, ay gfaning yangay ban mi ngay tagfaning tam Dius at ngay suguan. Nangawat ami sik nasadian sa tam Dius te, gaiyan wami em ngay mangena tagsiginan tibak gaban taw anggan at ngay sisian. Ay namaning ban mi tam Dius at Faugali.

Alubad. 119:130

Am ngay longan tagfon fagmayamagun sa sangay taw at amatanganan, ay tagfon fagsafulun sat yud e fagsafulun.

Alubad. 78:5

Kanya nafon at suguan sa sangay taw Israel, Akub at ngay kasugfunanan, ay nasugu yangay sa tam ngay mangaguyang te, foyungi sat ngay sisian,

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Isayas 1:10

Ay am fag ngay tagfangguna sis Suduma, dungugani fia Yawi at longan sa ayu, ay am fag ngay taw Gumura asafuli Dius at ngay faugali.

Isayas 8:16

Ay Isayas nalong te, “Fagayu am tagfaning angku, tuyani te, wa ban am kalyam ku ngay foyungan sa ayu sabaliwas Dius.

Isayas 8:22

ay nadama sas daga, at lagan ban fagidapun way ay fagmadulumun ay fagafanawaun. Ay gaiyan ban anya fagayu sat maksvn fag fagmadulumun.”

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Mikas 3:6

“Aroro nafamuag am sa ku ngay taw, wa ban am e taginfan ya, ay wa ban am mainsaful ya. Kata nu yud am glag sasad madulum.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 22:29

Ay Isus nabalus anya te, “Gsalan am, aroro wam anyamag Dius at Longan ay at fagmabalyananun.

Mateu 6:23

Ay am mata nu dway malyo, anggan fagdaul am bilug madulum way. Ay am fagmayamagun nu madulum way, ida madulum yay ban daul fagdaul am bilug.

Markus 10:3

Ay Isus gbalus te, “Tain Muisis at longan ayu ebi?”

Lukas 10:26

Ay Isus nabalus anya te, “Nataw at marirukan sis Muisis at Faugali? Foyungi angku.”

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Fakamulun 17:11

Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan.

Ruma 1:22

Kafag ngay taw glong te, “E fagsafulun ami.” Dewa katanya, kanya fagayu wa mamatanganan.

2 Pedru 1:19

Nu katanya, em fagafanudun nkugat yay nu kaksvn aroro siginan em nadungug tam Dius at ngay taglong at foyungan. Ay masine nu gdungugan am fia takatanya fag foyungan, takata sik salung tagdamlag sisad fagmadulumun nu dyakmay menit nadog ansure sbalabag. Ay kanya kata sik tagurabas gdamlag sa ay ngay amatanganan.

2 Pedru 1:9

Ay nusnga sinu fag taw nu dway e si anya takatanya fag ngay ugali, kanya fag taw we fagsafulun sat matuyan, ay nalyam te, Dius nafalyam at ngay asalanan ebi ataw at nafakamulun.