Isayas 8:19 - Fanawbuid tagsibaliwas Fakayabian

¹⁹ “Tiba ginan ban e lumong ayu te, ‘Eti sik foyungan sa sangay tagfangufit ay sa sangay tagbalawvn gibugan, dewa katanya, lag gfakamulun takatanya. Nu bunway nu get am gubuk, fasai tua ay Dius. Ay wain ay fagsaun yay ngay kinbul ay fagnangintoan sabaliwa ngay tagleleg?’

Isayas 8:19 ပူးပေါင်းရင်းမြစ်များ

Fakasigadan 41:24

Ay at yud e bilug fag raug naon at ke bilug fag fituk raug. Ay nafoyung koma ku taginfan sa sangay tagsaful gfasure at ngay madulo, ay nusdi sadi we nafafayamag angku at masuad.”

2 Fun 1:3

Ay Yawi at tagbarita glong sas Elyas fag taw Tisbe te, “Namablang o Samarya at fun at ngay tagfosuk longan ay intoi sa anya fagayu te, ‘Wain yay ay fagnangakbangun sas Baal-Sebub, furuan Ekrun at fagsegan? O nunda we Dius sis Israel?’

2 Fun 21:6

Ay kanya nairug at sisian laman at fanggalangun. Ay kanya nafakamulun kata ngay taginsaful ay tagfangufit, ay nainto sa sangay tagfakamatoan sat ngay kinbul at falad. At ngay fakamulun maksvn nu mauri, ay gfadotama Yawi.

2 Fun 23:24

Fun Usyas naiyan taguro ngay kinbul at falad, ay naukas ngay fagsegan tagsi sangay bale, ay tiba yak fagsegan, ay at maksvn nu mauri fag ngay fagsegan sis talun Uda ay sis furuan Erusalem. Kanya nafakamulun takatanya laman gfaning fagayu at marirukan sis nasadian fag fafil, Kilkya fag tagfon fanggalangun at nalag sis Yawi at bale.

1 Krunika 10:13

Saul anbul aroro wa matuyan sas Yawi. Ay kanya wa nafaning Dius at suguan, nanangakbang way sa sangay tagseg falad,

2 Krunika 33:6

Ay sis datag Ben-Inum, kanya nairug at ngay sisian laman at fanggalangun. Ay kanya nafakamulun kata ngay taginsaful ay tagfangufit, ay nainto sa sangay tagfakamatoan sat ngay kinbul at falad. At ngay fakamulun maksvn nu mauri, ay gfadotama Yawi.

Alubad. 106:28

Kanya fagayu nanangalo nanseg Baal fag fagsegan sas Peur, ay kanya fagayu naon yangay ngay fon laman sa sangay kinbul.

Isayas 19:3

Ay ngay taw Igiptu ummomuy ban at amatanganan, ay namasayuan kban at ngay algan. Kanya ban fag ngay taw nanget gubuk sat ngay fagsegan, ay sa sangay labang, ay sa sangay mabara ay anggan sa sangay tagsaful gbalawvn.

Isayas 26:14

Katsi kanya fagayu anbul wan ay wa ban gdog gleleg. Nafaurianan o anya anggan anbul ay we gamatang ya anya.

Isayas 29:4

Kanya ban umrasras wan ay umkata sik labang nu guro sasad daga, gibugan nu kadungug.

Isayas 30:2

Kanya fagayu glo wan sas talun Igiptu laman nanget gubuk sat fun, ay wa get gubuk sa angku.

Isayas 45:11

Yawi, Israel at Dius at yud e Malong, at nawat anya fagayu glong te, “O gfayud am ku ngay nawat? O gsugu yayam angku te, ‘Fakatatuyi tua nu kawat o’?

Isayas 47:12

Agvd, fataglayuni nu gfangabalo o, ay nu gfangufit o, kata am fakamulun gugat siginan ngay nu masisian o. Gbabo tua ban o manga, ay manamalimu am ngay fawayan.

Isayas 47:13

Kalufuy wo gamatangan tibak taw at ngay fangatulun sa emu. Fae foyungi sa am iba at ke fagsafulun sabaliwa ngay galeme, ay tagfoyung kayu magdanun sabaliwa at kumfasludan. O nunda kanya namalangfe emu siginan takadasug ban?

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Eremyas 27:9

Nu katanya, lag am gafanud sa ay ngay taglong ay sa ay ngay taginsaful, ay sa ay ngay tagfayamag taginfan, ay sa tagfangabalo, ay sat nanginto sat mabulan fag taw at falad taglong te, talun Babilunya ban at fun wa nangagbilug ayu.

Lebitiku 19:31

“Lag am nanget gubuk sa sangay taw tagfakamatoan ngay kinbul at falad, aroro nu nafakamulun ban am takatanya, umsik masuya am. Au wan ay Dius Yawi.

Lebitiku 20:6

“Kadotama au ngay taw taget gubuk sa sangay taw tagfakamatoan ngay kinbul at ngay at ngay falad. Kwa ban gtuyan ya anya fagayu te, ay ngay kaiban.

Mikas 5:12

Nanrufa kban ngay tagfangalga at ngay fagagbilugun, ay wa ban e gfangabalo ya.

Fakamulun 16:16

Sik menit, gina ami glao sas fagnandaranginan, nafablang ami sik fagsuguan baguina at ke mauri fag falad tagfae fagmabalyananun anya laman mafafoyung takadasug. Ay at ngay tagfayafun ngayu nu gbul salapi aroro siginan kanya nu ginsaful.

Deuterunumyu 18:10

Nusdi sadi si ayu lag girug at sisian laman at fanggalangun. Ay lag yangay gfangabalo, ay lag am gfangalga, ay lag am gbalawvn,

Deuterunumyu 18:11

lag am gfangufit, ay lag am gfakamatoan ngay falad.

1 Tesalunika 1:9

Aroro kanya wan fag ngay taw at nafadungug sa emi te, naylat mandi am em nasiboan ayu. Ay kanya yangay fagayu at nalong sa emi te, naubun wam nu gseg am ay ngay fagsegan, laman gfaning am tagleleg ay at matuyan fag Dius,

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.

1 Samwel 28:11

Ay kafag mangena nainto te, “Sinu at ke falad am fakaylatun gfakamatoan?” Ay Saul gbalus te, “Samwel.”

1 Samwel 28:16

Ay Samwel nabalus Saul te, “Wain am fagintoun yay sa angku? O nunda Yawi ya natalyuyan emu, ay katsi o wan at fawayan?

1 Samwel 28:7

Ay Saul nalong sat ngay tagfawayan te, “Rvbvyi sik mangena taguro falad laman ku fagintoan.” Ay at ngay tagfawayan nabalus anya te, “E sik mangena sis furuan Endur, taguro falad.”

1 Samwel 28:8

Ay Saul nasulun at maugali fag lanbung laman we gtoglag anya. Ay ginanya fag yabi kanya nataban at tagfawayan at dua ay nalao sanya fag mangena. Ay Saul nu ndasug wan, nalong sanya fag mangena te, “Kaylat au gfakamatoan sik taw at falad. Gfoyung kro emu sik taw at falad, ay intoi ro sa anya.”