Isayas 8:18 - Fanawbuid tagsibaliwas Fakayabian

¹⁸ Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Isayas 8:18 ပူးပေါင်းရင်းမြစ်များ

Fakasigadan 33:5

Ay Isaw nu nalag kafag ngay mangena ay kafag ngay sisian, kanya nainto te, “Sinu in am fadgaloan ngayu?” Ay Akub nabalus te, “Kanya Dius at nafon sa angku ku ngay sisian aroro siginan at fakafanyun.”

1 Krunika 23:25

Ay Dabid glong te, “Yawi, Israel at Dius nafon antam fagmanabayanun ay kanya ban gbanwan tua gugat sis Erusalem.

Alubad. 22:30

Ay at fadogan ban fag ngay kasugfunanan namakamulun yangay ban kata tam Fun Dius at fakaylatun. Ay kanya ban fagayu gfoyung sat ngay sisian sabaliwa anya.

Alubad. 71:7

Ay ansik fagfaningan au sas fagayu, aroro o tua tagdiri angku.

Alubad. 9:11

Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!

Alubad. 9:12

Yawi gdungug tua ngay taw tagafalingunan at darangin. Ay kanya gfasud, ay di kalyam.

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 14:32

Tain ban tam famalus sa kafag talun at ngay nasugu? Tam famalus ban glong tam te, ‘Yawi tua at nawat Buksul Siun, ay at ngay taw tagidapan nu nansarirung sanya wan.’ ”

Isayas 20:3

Yawi nalong te, “Ku fagsuguan Isayas glodloan gasifayanan ay wa galapakan kaduge tuluk banwa. Kanya sik famasaful sas talun Igiptu ay sas Etiupya at ngay taw.

Isayas 24:23

Magdanun ay menit umdulum ban, aroro Yawi at Mabalyanan gfunan ban sas Buksul Siun, sis furuan Erusalem. Ay sanya ban nu msure at kamasuloan sa sangay fagtainan at daga salubangan.

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 7:3

Ay sanya ginan, Yawi nalong sas Isayas te, “Tabani am baguama Sear-Asub ay namablang am fun Akas sas fungfung fagfamiluganan mamam tagsit buid fag fagfungsuan mamam, munakbang sis dalan tagsas fagbakbakan lanbung.

Isayas 8:3

Ay sanya ginan, nafataladan au ku bubay. Ay nafafion ay nafasalug sik munama. Ay Yawi nalong sa angku te, “Fangayani am sisian te, Maer-Salal-Kas-Bas.

Eremyas 44:29

Kanya ban at fagsafulan te, namaurianan au ayu ste fag talun, laman sumaful am te, gfafasludan au ku longan te, namaurianan au ayu.

Esekyel 12:6

Ay kanya fagayu kaduge gdama emu, fasai am tungud lafi am ngay famubaun ay loi gina mayabi. Ay tabuni am mata laman wo glag at talun. Takatanya am fakamulun sik famararang sa sangay taw Israel.”

Esekyel 14:8

Gtuyan au anya te, ku fawayan, laman sik famararang sa sangay taw, ay tiba ban ktaw gkamatoan sabaliwa anya. Ay nangaiyan kban anya siginan ku ngay taw. Ay sumaful ban am te, au Yawi.

Esekyel 4:3

Sanya ginan, namul o sik sanbung marafad kata sik alad gang fanwabilug emu siginans furuan. Sanya ginan, salubangi sas furuan kata nu namawayan o. Ay kanya sik famasaful sa sangay taw Israel te, at ngay fawayan ban namawayan anya fagayu.

Sakaryas 3:8

Ay katsi, Uswe fag tagfon fanggalangun dungugani: o ay am ibama fag ngay tagfon fanggalangun kata sik fagtoglagan takafasludan ban. Namasure au ku fagsuguan at nafangayan te, Sanga.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Lukas 2:18

Ay fagayu at nadungug ngay tagalaga tupa at longan andulo maksvn.

Lukas 2:34

Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Deuterunumyu 28:46

Kanya ban fag ngay faurianan sik famararang sa ayu ay sa ay ngay kasugfunanan kabavn.

Ebreu 10:33

Tibaginan e gfalingun ayu ay e gfauri ayu sis salubangan fagngayuan taw. Ay tibaginan kataip am sa tagafaurianan fag ngay taw.

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.