Isayas 8:17 - Fanawbuid tagsibaliwas Fakayabian

¹⁷ Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Isayas 8:17 ပူးပေါင်းရင်းမြစ်များ

Fakasigadan 49:18

Sanya ginan, Akub nalong te, “Yawi, gfanya au nu gfalangfe o.”

Ub 13:24

Wain am fagsaruyanun angku ay am fagtuyanun angku te, am fawayan?

Ub 14:14

O nunda sik taw at kinbul, gdog yay ban gleleg? Dewa katanya, gagwanta kwan ku ngay fagidapun yakmay au anlangfe sas fagmanabayanun.

Ub 35:14

Ub, kaugat waban Dius nu yud gdungugan emu, nu glong way o te, yo nalag anya, ay nafoyung wo sa anya am mamalong, ay gfanya way o lang at famalus.

Alubad. 130:5

Yawi, gfanya au emu sas fagdaul ku amatanganan, ay ku fagsegun siginan way lang am longan.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Alubad. 33:20

Gafanud tam sas Yawi, aroro kanya tam taggubuk ay tam tagdiri.

Alubad. 37:34

Afanudi sas Yawi, ay laoi sat dalan. Nu katanya tua, kanya guseganan tua ay gfabanwan ayu sas talun Israel. Ay lumag ban am nu gaiyan ngay taw mauri sanya ginan fag talun.

Alubad. 39:7

Dius, dada ya ro nu kakbang au? Nu gafanud au sa way lang emu.

Alubad. 40:1

Nagwantan au nafanya Yawi, ay kanya nasalubang angku ay nabalus tua ku fagetun.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 26:8

Yawi, nafaning wami fagayu am ngay suguan, ay gafanud wami sa emu. Em fakaylatun namauseganan wami emu.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 33:2

Yawi, afanyui emi aroro gafanud tuami sa emu. Fabitsugi emi kayu menit, ay falangfei emi gina ami gidapan.

Isayas 45:15

Dius, o wan Israel at Tagfalangfe, at matuyan wo kalag.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 54:8

Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Isayas 59:2

Ay ngay asalanan wan tagfayayu ayu siginans Dius ay kanya wan at malong at faginyayuun ayu ay at fagyudun gbalus ay darangin.

Isayas 64:4

Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Eremyas 33:5

ngay taw Babilunya ban masakbo way. Ngayu ban takabul ste fag furuan, ay aroro maksvn nu kadotama au ayu, nangiklas kwan ay furuan. Gtalyuyan kwa ban tuy fag furuan aroro sat fagmauriun.

Usea 12:6

Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Lukas 2:38

Ay ginanya Ana nkakbang sas talanan. Ay kanya gseg Dius ay nafoyung sabaliwas Isus sas fagayu tagfanya Dius nu gfalangfe furuan Erusalem at ngay taw.

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Deuterunumyu 32:20

Kanya nalong te, “Gtalyuyan au anya fagayu ay nanlag kban nusnga setaw at fakadasugan, aroro kanya fagayu at mauri way fag gaban taw, ay at yud way matuyan fag ngay sisian.

1 Tesalunika 1:10

ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.

2 Tesalunika 3:5

Tam Fun tagfamatangan ayu laman ay ugali kata tua Dius nu kesug, ay kata tam Fun Isus nu mabakvd.

Ebreu 2:13

Ay kanya nalong yangay te, “Gafanud au sas Dius.” Ay nalong yay fia te, “Ste au magamut sis Dius at ngay sisian, at nafon angku.”

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.