Isayas 8:13 - Fanawbuid tagsibaliwas Fakayabian

¹³ Au, Yawi at Mabalyanan. Tuyani te, kdi e kalong. Nu katanya, suyui tua ay alimui angku.

Isayas 8:13 ပူးပေါင်းရင်းမြစ်များ

Fakasigadan 31:53

Nangus am fufuama Abrayam at Dius ay ku mama Nakur at Dius ay ku fufuama Tera yangay at Dius tagfaurianan nusnga sinu ta at kinke asalanan.”

Alubad. 76:7

Nu katanya, fagayu taw nangus kalimu tua emu. Sinu at magwanta gina o kadotama?

Nu Galin 20:20

Nu katanya, Muisis nalong sa sangay taw te, “Lag am kalimu aroro Yawi nastie laman kanya namalag sa ayu at fagmabalyananun laman kalimu tuam anya ay diam gasalanan.”

Isayas 29:23

Aroro Akub at ngay kasugfunanan gina lumag ku nafakamulun sa anya, kanya dumungugan tua angku, Akub at yud e malong fag Dius. Ay kanya kalimu tua angku, Israel at Dius.

Isayas 5:16

Dewa katanya, e sumeg Yawi at Mabalyanan aroro kanya matuyan nu gwabilug, ay namalag te, kanya at yud e malong fag Dius aroro siginan at ngay fakamulun at matuyan.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Lebitiku 22:32

Suyui tua ku ngayan, ay asafuli te, kdi e malong. Au Yawi at nafili ayu laman sa angku.

Malakyas 2:5

Si em nasadian, nafatuyanan au sa anya fagayu te, kanya ban fagayu nu gsuyu tua angku gfon kban sa anya fagayu leleg ay fagmanabayanun. Ay kanya fagayu nafakamulun tua takatanya,

Tap 27:14

Aroro gina ngay taw Israel nafamabo angku sis bubun tagsis Sin fag talun at yud e taw, am fag duksay wam nafaning ku suguan ayu laman namasure am ku kamasinean sa sangay taw.” (Kanya fag bubun nafangayan te, Meriba, sis Kades sis Sin fag talun at yud e taw.)

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Lukas 12:5

Gfoyung au ayu ay fakalimuun: ay fakalimuun Dius tua, aroro nu nafabul ay bilug kanya e fagmabalyananun yay gukas ay falad sas afuy daul. Anud, alimui fia anya.

Ruma 4:20

Kanya di naduanun Dius at fatuyanan, nu bunway ankaksvn tua at fagafanudun ay naseg Dius.

Deuterunumyu 14:23

Bubai ay fasafuluk afud trigu, fanlangu ay langis, ay anggan ay fagbaugun at riangan taguna, sa ay Dius Yawi at nafili fag afud talun nu inda nu gfauseganan am anya. Namuba am ay ngay fanggalangun sit daga salubangan. Fakamuluni takatanya laman ban saful tuam gsuyu ay Dius Yawi.

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”

1 Samwel 11:7

Ay kanya nanamul duak baka ay nafilas. Ay nasugu kafag ngay tagfosuk longan laman namuba ngay yamas ay nanlong sa sangay taw Israel te, “Nusnga sinu ban at yud nanangalo Saul ay Samwel sas fagawayanan, umkata yangay ban tuy fag ngay yamas.” Nu katanya, Yawi nafamatangan ngay taw Israel laman nangalo Saul.