Isayas 8:10 - Fanawbuid tagsibaliwas Fakayabian

¹⁰ Nusnga setaw ban ay nafalganan fag fakamulun laman gfawayan am emi, wa ban umfasludan kata ay algan, aroro Dius gufud tua emi.

Isayas 8:10 ပူးပေါင်းရင်းမြစ်များ

Fakasigadan 21:22

Ginanya fag buknga, Abimelek gadgaloan at fun tagfawayan, Fikul, ay nalao sas Abrayam ay nalong te, “Anud Dius nagubuk emu sas fagayu am fakamulun.

2 Samwel 15:31

Ay e nalong sas Dabid te, “Akitufel galo wan Absalum.” Nu katanya, Dabid gdarangin te, “Yawi, lag gfae tungkul Akitufel at ngay nalong.”

2 Samwel 17:23

Akitufel nu nasaful te, Absalum wa nafaning at famalun, kanya nasakay wa vtv sat asnu ay noli wan sat furuan. Ay kanya nu nafangatulun wan sat ngay kalongan, narabing wan at sadili. Ay e nanamoli at bilug sat mama at fagfolian.

2 Samwel 17:4

Ay Absalum ay Israel at ngay fagtainan nu nadungug takatanya fag famalun, kanya fagayu naylat.

2 Fun 6:12

At sadi at fun tagfawayan nabalus te, “Em fun, wami e gfadiuganan. Elisyu, fag taglong sis Israel, at nafoyung sas Israel at fun fagayu nusnge wain am nalong, dewa am nalong sim suluk.”

2 Krunika 13:12

Dius si tua gugat emi, sia wan em tagfangguna. Ay at ngay tagfon fanggalangun gfawang at ngay budyung gina gfangguna emi gina ami namawayan ayu. Ngay taw Israel, lag am gfawayan Yawi, ay ngay mangaguyang at Dius, aroro wa ngap ban am gbabo.”

Ub 5:12

Kanya nafae yud e masuad takamuag fag ngay taw at algan, laman wa mfasludan at ngay algan.

Alubad. 21:12

Ay kanya fagayu nu nalag te, gfatiuan wo sa anya fagayu am godun, kanya fagayu glagyu.

Alubad. 46:1

Dius wan tam fagsarirungan ay tam fagmabitsugun. Kanya mafalganan gugat ggubuk antam sis buknga fagidapun.

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:7

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:8

Wainyayam, damai Yawi at nafakamulun fag ngay madulo sas fagdaul daga. Damai at ngay naiklas.

Fangatulun 21:30

We mafasud Yawi at fagsafulun ay at fagmamatanganun.

Isayas 14:27

Sinu at mafafaragang Yawi at Mabalyanan at algan? Sinu at manansalag at ngay faurianan?

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 42:11

Lag am kalimu ya Babilunya at fun aroro gufud ktua ban gugat ayu ay gfalangfe siginan at daluap.

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Takabalu 3:37

Fun Dius nu dway kaylat, we kafasludan nusnge wain.

Uel 3:9

Fasafuli sa sangay talun at ngay taw te, “Falganani ay ngay sadili. Uroi ay ngay tagfawayan laman namawayan.

Agay 1:13

Agay, Yawi at taglong, nalong sa sangay taw Israel te, “Yawi ban gufud tua gugat ayu.”

Tap 14:9

Lag am kamabo Yawi. Ay lag am kalimu kanya fag ngay taw aroro gbabo waban tam fia. We ggubuk anya fagayu, dewa katanya, Yawi ggubuk tua antam. Nu katanya, lag am kalimu kanya fag ngay taw.”

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”

Ruma 8:13

Aroro nu gfaning way am ay bilug at fakaylatun, kabul ban am. Ay dewa katanya, nu gfabul tuam ay bilug at fakaylatun siginan at Masine fag Falad at fagmabalyananun, gleleg tua ban am.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

Deuterunumyu 20:1

Nu glao am laman namawayan, ay dewa am nalag te, ay ngay fawayan ay at ngay kabayu ay anggan at ngay faguyudan ayu yap tua ayu, lag am kalimu anya fagayu, aroro ay Dius Yawi at nafaduksun ayu siginans talun Igiptu gufud tua ayu.

Uswe 1:5

“Wa ban e mababo emu kaduge o gleleg. Gufud kban gugat emu kata nu gufud au Muisis. Kwa ban gubun ay gfabayan emu.

1 Uan 4:4

Ku ngay sisian, am wan Dius at ngay taw, ay nababo wam takamuagan fag ngay taglong, aroro at Masine fag Falad tua tagsi ayu. Kanya amabalyanan yap tua tagsis fagdaul daga at taw fag falad.