Isayas 7:8 - Fanawbuid tagsibaliwas Fakayabian

^8-9 Aroro talun Sirya wa gtungud furuan daul Damasku, nu inda fun Resin nu gfunan. Ay Damasku wa yangay gtungud at fun Resin. Ay talun Israel wa gtungud furuan daul Samarya, nu inda fun Peka nu gfunan. Ay Samarya wa yangay gtungud at fun Peka. Ay e rumasras ban talun Israel nu nlangfe unumk safulu e limak banwa, ay wa ban kangayan ya te, sik talun at taw. Ay am fag ngay taw Uda, nu dway mogat ay fagafanudun sas Dius, wa yangay ban am mogat.’ ”

Isayas 7:8 ပူးပေါင်းရင်းမြစ်များ

Fakasigadan 14:15

Ay nu nyabi wan, Abram nafaduak afud at ngay tagfawayan, ay nanamawayan at ngay fawayan ay nababo. Ay tiba at fawayan at nalagyu, Abram at ngay tagfawayan nanamafalo sitsigons Kuba ay nalangfe yay Damasku.

2 Samwel 8:6

Ay Dabid nafawat at fagmafulan sis Damasku, si sangay taw Aram at fagbanwanan. Ay Dabid nagbilug wan kafag furuan, ay sanya ginan, ngay taw Amur nu gfon at famayad sawas Dabid. Yawi nafababo Dabid sas fagayu at nafawayan.

Esra 4:2

kanya fagayu nasas Serubabel ay sa sangay tagfangguna ngay talananan, ay nalong te, “Ggubuk ami ayu kawat Yawi at bale, aroro gseg yangay ami ay Dius kata ay fakamulun. Ngaduge wan nu gfon ami em fanggalangun sa anya, siginan yay Esarkadun nu gfunan talun Asirya, ay kanya yay at nataban emi stae.”

Isayas 8:4

Ay kanya ban fag sisian gina yud yay nasaful guro at mama ay at mina, Asirya at fun namul furuan Damasku at ngay ramraman, ay nangago ban furuan Samarya at ngay nafangago.”

Isayas 9:11

Nu katanya, Yawi ban namabitsug fun Resin at ngay fawayan, laman namawayan ngay taw Israel.

Isayas 9:9

Fagayu taw Israel ay anggan tagbanwan sis furuan Samarya sumaful te, Dius nalong takatanya. Dewa katanya, aroro sat fakamatungudunun, kanya fagayu glong way te,

Eremyas 49:23

Katatuy Yawi at longan sabaliwas Damasku: “Ngay taw Amat ay ngay taw Arpad kalimu at nadungug fag barita at malimu. Kanya fagayu gidapan ay gafanawa ay wa kagwanta kata dagat nu glugwak.

Esekyel 27:18

“ ‘Ngay taw Damasku nanamabangsi yangay sa emu aroro maksvn nu maramraman o. Ay at famayad fanlangu tagsiginans talun Kelbun ay ramit malaksi at mawatan siginans tupa at sigyu siginans talun Saar.

Usea 13:1

Ebi taguna, gina Efraim at gaban nu garingang, tibak taw Israel gtadtaruyan kalimu famalag te, gsuyu Efraim at gaban. Dewa katanya, kanya fag ngay taw anke asalanan aroro gseg Baal, nu katanya, kanya fagayu anbul.