Isayas 7:6 - Fanawbuid tagsibaliwas Fakayabian

⁶ “Namawayan ban ta ay nangagbilug talun Uda. Ay nanfili ban ta Tabeel at baguama laman tagfunan sanya.”

Isayas 7:6 ပူးပေါင်းရင်းမြစ်များ

1 Fun 12:16

Fagayu taw Israel nu nasaful te, Reubuam wa gdungugan, kanya fagayu nalong te, “Wami kataip ya sas Dabid at kasugfunanan. Wami ngap e fagmagbilugun siginans Ese at kasugfunanan. Wami kasalag ya emu, Dabid at kasugfunanan. Ngay taw Israel, guli watam.” Nu katanya, ngay taw Israel noli wan.

2 Fun 11:2

Dewa katanya, Euseba nafalangfe Uas, Aasya at baguama, gina e ganamabulun kafag duksayan. Euseba, fun Euram at baguina ay Aasya at arian. Kanya nafasuksuan Uas ay at fangkamato sa sik suluk sis Yawi at bale. Nu katanya, Atalya wa nakatu gfabul anya.

2 Krunika 13:8

Ay katsi kaylat am namawayan Yawi at fagfunanun, at nafatigwanan sas Dabid at ngay kasugfunanan. Ay kamatungudun am te, ngayu ay tagfawayan, ay gbuba am Erubuam at nafawat fag fagsegan fag riangan baka at mawatan siginans gintu.

2 Krunika 21:7

Yawi wa kaylat gfamin Dabid at kalongan aroro kanya nawat sik nasadian sas Dabid te, at ngay kasugfunanan ban gfunan tua gugat.

2 Krunika 28:5

Nu katanya, at Dius Yawi nafon anya sas fun Aram. Ay ngay taw Aram nababo anya, ay ngayu at ngay taw at natabanan sas furuan Damasku. Ay nafon yangay anya sas Israel at fun ay nafabul tangayu at ngay taw.

Alubad. 21:11

Kanya fagayu at ngay algan sa emu mauri, dewa katanya, kanya wa mababo.

Alubad. 83:3

Kanya fagayu anke ngay masuksuk fag algan at mauri, sam nafili ay sam fakesugun fag ngay taw.

Fangatulun 19:21

Ngayu tam algan, dewa katanya, Yawi tua at fakaylatun takafaning.

Isayas 7:1

Gina Akas gfunan sis Uda, Resin, talun Sirya at fun, ay Peka, Israel at fun, nalao sas furuan Erusalem gadgaloan at ngay tagfawayan. Ay dewa katanya, kanya fagayu wa nakatu gbabo. (Akas, Utam at baguama ay Usya at fufu, ay Peka, Remalya at baguama.)

Isayas 7:5

Kanya fag dua anke algan mauri sa emu, ay nalong te,

Isayas 7:7

“ ‘Dewa katanya, Yawi tam Fun nalong te, Wa ban umfasludan takatanya.

Isayas 8:6

“Kafanyu koma fia nu galaga au ngay taw Uda, kata Liskung Siluak tagarimanan nu gfamilugan, dewa katanya, kanya fagayu wa nsun si angku, ay guseganan sas fun Resin ay fun Peka.