Isayas 7:23 - Fanawbuid tagsibaliwas Fakayabian

²³ At tanuman wat ubas nu sadik libuk fun, nu kabayad sadik libu tuak lifung salapi, dewa katanya, ginanya ban fag buknga, tagtugbung sit ngay gamasun at madugi way fag ngay makmak.

Isayas 7:23 ပူးပေါင်းရင်းမြစ်များ

Fakasigadan 3:18

Ay at madugi ban fag ngay makmak gtugbung. Ay am fakonun ban siginans gamasun am ngay natanum.

Isayas 5:10

Ay at fagtanuman wat ubas, dewa gbia, alay way at gutluan fanlangu. Ay at natanum fare, dewa safuluk tasan, at gutluan sadi wayk tasan.”

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 7:24

Ngay taw ban nanlafat sanya gbuba at ngay godun, aroro fagdaul at talun antubas wan ay gadugiun way lang.

Eremyas 4:26

Nalag au sik gamasun tangayu gugat nu grawvg at kinkata sik talun at yud e taw. Siginans Yawi at dotama ngay furuan anrasras.

Esekyel 12:20

At ngay furuan ban umrasras wan, ay kanya ban fagayu kabalu maksvn ay sumaful te, au Yawi.’ ”

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Usea 9:6

Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.

Mateu 21:33

Isus nalong yangay fia te, “Dungugani sadi ya ku faydayuanan. Sik tagagbilug daga natanum sik ngay wat ubas sit daga ay naalad at tanuman, ay nawat yangay sik fagturisan ubas at rawvg, ay nawat sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga ay nalo sa tangayayu fag talun.

Ebreu 6:8

Dewa katanya, tagtugbung sanya fag daga nu dugi way ay nu makmak way lang, we tungkul kafag daga, ay munakbang wan Dius nu gfauri anya. Ay sa ban at fakatabuan, girug wan.