Isayas 7:21 - Fanawbuid tagsibaliwas Fakayabian

²¹ “Ginanya ban fag buknga, galay sik taw at fagbaugun at sawad sadi way langk baka ay duak kambing,

Isayas 7:21 ပူးပေါင်းရင်းမြစ်များ

Isayas 14:30

Ay namafangon au fia ku ngay taw tagafalingunan ay namabanwan manabayan. Ay namabul au am ngay kasugfunanan at kinsawad siginans lunus.

Isayas 17:2

Ay wa ban e gbanwan ya sas Aruer fag ngay furuan. Ay kanya umkata ban sik fagnamafangonan ngay fagbaugun, ay wa ban e namalimu ya kafag ngay fagbaugun.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 37:30

Ay Isayas nalong sas Esekyas te, “Katatuy am fagsafulan te, Yawi nandiri furuan Erusalem siginan sangay taw Asirya. Katsi fag banwa, ay fakonun ngay rawvg siginan ay yud natanum. Ay at fadogan fag banwa, ay fakonun tagsiginan at natugbung siginan egbanwa at kintong fag bvtang. Ay dewa katanya sis fatuluk banwa, tanumi ay gutlui, ay e fakonun tua ban am. Ay mafatanum yangay ban am ay ubas ay e fagrabasun yangay ban am rawvg sanya ginan.

Isayas 5:17

Ngay furuan ban at marasrasan, at maramraman fag ngay taw at fagbanwanan ebi, umsik masine ban fag fagnamafangonan ngay tupa.

Isayas 7:25

Ay wa ban e nanlao ya sa sangay buksul sa ebi ataw at ngay fagtanuman, aroro antubas wan ay gadugiun way lang, ay sik fagnamafangonan way lang fagbaugun.”

Eremyas 39:10

Ay Nebusaradan nafamato way sis Uda tibak taw at yud e ramraman, ay kanya nafon sa kafag ngay taw at mesa gamasun ay tanuman wat ubas.