Isayas 7:2 - Fanawbuid tagsibaliwas Fakayabian

² Ay Uda at fun nu nadungug te, Sirya at fun ay Israel at fun ansadi namawayan taw Uda, kanya fag fun ay fagayu at ngay taw gtadtaruyan kalimu, kaksvn sik fulug nu guig sik fun kayu.

Isayas 7:2 ပူးပေါင်းရင်းမြစ်များ

2 Samwel 7:16

Am ngay kasugfunanan ban kabavn gfataglayun nu gfunan si ku daga salubangan.’ ”

1 Fun 11:32

Dewa katanya, si way ban anya sadik gaban aroro sa ku fagsuguan Dabid ay aroro sas Erusalem, ku nafili fag furuan siginans fagayu Israel at kasugfunanan.

1 Fun 12:16

Fagayu taw Israel nu nasaful te, Reubuam wa gdungugan, kanya fagayu nalong te, “Wami kataip ya sas Dabid at kasugfunanan. Wami ngap e fagmagbilugun siginans Ese at kasugfunanan. Wami kasalag ya emu, Dabid at kasugfunanan. Ngay taw Israel, guli watam.” Nu katanya, ngay taw Israel noli wan.

1 Fun 13:2

Yawi nasugu at fagsuguan laman namauri kafag fagirugan, ay glong te, “Katatuy Yawi at longan: E kasalug ban sik munama at ngayan Usyas, siginans Dabid at kasugfunanan. Ay gina ban an-gurang, kanya nangirug ste fag fagirugan ngay tagfon fanggalangun tagfakamulun si sangay fagnansegan si tangabat fag ngay buknga. Ay at ngay butul ban umkirug sanya.”

2 Krunika 25:10

Nu katanya, Amasya nafauli wan ngay taw Efraim fag ngay tagfawayan. Ay kanya fagayu guli wan kadotama maksvn talun Uda.

2 Krunika 28:12

Ay katanya yangay tibak tagfangguna at ngay longan sa sangay tagfawayan tagsiginans fagawayanan. Kafag ngay tagfangguna: Asarya, Eukanan at baguama, ay Berekya, Mesilemut at baguama, ay Ekiskya, Salum at baguama, ay Amasa, Kadlay at baguama.

Alubad. 11:1

Gafanud au sas Yawi ku fagsarigan. Nu katanya, wam malong sa angku te, “Layugi wan sa tangabat fag buksul kata sik manuk tungud at nanuksuan,

Fangatulun 28:1

Sik taw mauri glagyu way deyud e gfafalo anya, dewa katanya, at matuyan fag taw maseganama tua kata sik liun.

Isayas 11:13

Taw Israel di ban galabian ya ngay taw Uda, ay taw Uda di ban kadotama ya ngay taw Israel.

Isayas 22:22

Namon kban sa anya sik fanluang Dabid at fagfagtainanan. Ay gina ban anluang, we taw mafadingding, ay nu nadingding, we mafaluang.

Isayas 37:27

Ngay taw tagbanwan si am narasras fag ngay furuan wa mabitsug ya. Kanya fagayu kalimu ay kapla. Kata ngay makmak sis talun at masakit kalangke, ay kata sik makmak tagtugbung sis tungud bale takalangke way vtv.

Isayas 37:35

Gdiri kban ay namalangfe tuy fag furuan laman e namauseganan angku ay aroro ebi nafatuyanan au sa ku fagsuguan Dabid.”

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Isayas 7:13

Ay Isayas nalong te, “Dabid at ngay kasugfunanan, dungugani! Faragangi wan nu gfauri am ngay taw. O nunda namauri yangay am anggan ku Dius?

Isayas 7:17

“Yawi ban namadasug sa emu ay sam fagfanggunaun fag ngay taw ay sam ngay kalongan, sik fagidapun at yud batang kadasug sa ayu, siginan ebi gina talun Israel ay talun Uda gsaruayan. At masuad, namadasug ban sa ayu talun Asirya at fun laman namawayan ayu.

Isayas 7:5

Kanya fag dua anke algan mauri sa emu, ay nalong te,

Isayas 8:12

Ay tibaginan lag am gafanud dewa gibugan glong te, ‘Fagayu taw at maseganama ansadi wan sat mauri fag algan yud e nasaful.’ Ay lag am gtadtaruyan kalimu sat ngay fakalimuun fag ngay taw.

Isayas 9:9

Fagayu taw Israel ay anggan tagbanwan sis furuan Samarya sumaful te, Dius nalong takatanya. Dewa katanya, aroro sat fakamatungudunun, kanya fagayu glong way te,

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Mateu 2:3

Ay fun Erudes nu nadungug katanya, gafanawa, ay anggan fagayu taw sis furuan Erusalem gafanawa yangay.