Isayas 7:14 - Fanawbuid tagsibaliwas Fakayabian

¹⁴ Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 7:14 ပူးပေါင်းရင်းမြစ်များ

Fakasigadan 16:11

Katsi gfafion o, ay namasalug ban o sik munama. Ay fangayani ban anya te, Ismael, aroro Yawi nadungug am fagetun gina o gidapan.

Fakasigadan 29:32

Ay Lia nafafion ay nafasalug sik munama ay nafangayan te, Rubin, ay nalong te, “Yawi nalag ku fagidapun, ay katsi matuyan ku indugan kesug wan angku.”

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 30:6

Rakel nalong te, “Dius nafalyam tua ku fakaplaun aroro nabalus ku darangin ay nafon angku sik sisian munama.” Nu katanya, kanya nafangayan kafag munama te, Dan.

Fakasigadan 30:8

Ay Rakel nalong te, “Maksvn nu gawayan ami duksay ay nababo au anya.” Nu katanya, kanya nafangayan at munama te, Naftali.

Fakasigadan 4:25

Adan nadog yay nafataladan at bubay, ay at bubay gdog yay anke sisian sik munama. Ay Eba glong te, “Yawi nafon yay angku sik sisian at fantubus Abel, Kain at nafabul. Nu katanya, gfangayan au anya te, Set.”

1 Fun 13:3

Ginanya yangay fia fag menit, Dius at fagsuguan nalong te, “Katatuy fagtoglagan te, Yawi at longan kafasludan: tuy ban fag fagirugan umkarang ay umkafud dua ay tagsanya fag dafug umburas.”

Alubad. 46:8

Wainyayam, damai Yawi at nafakamulun fag ngay madulo sas fagdaul daga. Damai at ngay naiklas.

Isayas 38:7

Katatuy am fagsafulan ban te, namakamulun au ku fatuyanan:

Isayas 8:10

Nusnga setaw ban ay nafalganan fag fakamulun laman gfawayan am emi, wa ban umfasludan kata ay algan, aroro Dius gufud tua emi.

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Eremyas 44:29

Kanya ban at fagsafulan te, namaurianan au ayu ste fag talun, laman sumaful am te, gfafasludan au ku longan te, namaurianan au ayu.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Lukas 1:31

Dungugani. Gfafion ban o, ay gfasalug ban o sik munama, ay gfangayan ban o anya te, Isus.

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 2:12

Katatuy ay fakasafulan: lumag ban am sik ngenge mafasafungan ramit gtukan si sik fagbaugan.”

Lukas 20:44

Fun Dabid nu nafangayan way Dius at nafili fag Fun te, ‘Ku Fun,’ tain ro kanya nu siginan fun Dabid at kasugfunanan?”

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Ruma 9:5

Dius nafili ngay taw Israel at ngay mangaguyang, ay sanya ginan yangay Dius at nafili fag Fun gina sia sik taw. Dius wan at mabalyanan sas fagayu, segi anya kabavn ban. Anud.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Tagfangguna 6:36

Ay sanya ginan, Gidyun nalong sas Dius te, “Nu anud fia te, ggubuk o angku laman namalangfe ngay taw Israel,

1 Samwel 1:20

Ay andasug sik buknga, Ana nafafion ay nafasalug sik munama. Ay kanya nafangayan at munama te, Samwel, aroro kanya nalong te, “Naet au ku sisian sas Yawi.”

1 Samwel 4:21

Kanya nu gakabulun wan, nafangayan at sisian te, Ikabud, aroro kanya nalong te, “Dius at fagmasineun wa gufud ya ngay taw Israel.” Kanya nalong takatanya aroro Fagsuadan Nasadian nagoan wan, ay at mangama ay at nugangama anbul wan.