Isayas 7:13 - Fanawbuid tagsibaliwas Fakayabian

¹³ Ay Isayas nalong te, “Dabid at ngay kasugfunanan, dungugani! Faragangi wan nu gfauri am ngay taw. O nunda namauri yangay am anggan ku Dius?

Isayas 7:13 ပူးပေါင်းရင်းမြစ်များ

Fakasigadan 30:15

Ay Lia nabalus te, “O yo guseganan am nafataladan ku indugan, nu get yay o ku baguama at ba tanum fag famafafion?” Ay Rakel nalong te, “Nu gfon tua ro wo sa angku am ba tanum, gfafataladan kro sa emu ta mangama katsi fag yabi.”

2 Krunika 21:7

Yawi wa kaylat gfamin Dabid at kalongan aroro kanya nawat sik nasadian sas Dabid te, at ngay kasugfunanan ban gfunan tua gugat.

Alubad. 45:5

Maruk am ngay banyas, ay kataruk sam ngay fawayan at baga. Ngay talun at taw grungan sam salubangan.

Isayas 1:14

Kauri kmandi nu maful am sabaliwa Magdanun nu Bagu Kasure ay tiba ya ay fagmafulun. Kwa magwanta takatanya ay fagmafulun, kata nu e famubaun au at mabyat.

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Isayas 22:22

Namon kban sa anya sik fanluang Dabid at fagfagtainanan. Ay gina ban anluang, we taw mafadingding, ay nu nadingding, we mafaluang.

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 43:24

Ay wo nabayad sik famaebebanglu laman sa angku, ay yo batang girug fagbaugun at taba laman am fanggalangun. Abat ngate, nafaidapan way o angku ay nafalufuy aroro sa am ngay asalanan.

Isayas 63:10

Dewa katanya, kanya fagayu nafamabo ay nafabaluanan at Masine fag Falad. Nu katanya, Yawi andotama ay nafawayan anya fagayu.

Isayas 7:12

Ay Akas nabalus te, “Duan, kwa nanget fakatoglagan; kwa namaskud Yawi.”

Isayas 7:2

Ay Uda at fun nu nadungug te, Sirya at fun ay Israel at fun ansadi namawayan taw Uda, kanya fag fun ay fagayu at ngay taw gtadtaruyan kalimu, kaksvn sik fulug nu guig sik fun kayu.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Esekyel 16:20

“ ‘Nafon yangay o anggan ta ngay sisian sa kafag ngay fagsegan laman am fanggalangun, ay laman kanya fagayu at fakonun. O nunda yo guseganan am nafagbilugan am sadili sanya fag ngay fagsegan?

Esekyel 16:47

Nafaning o kafag ngay taw at ngay ugali ay at fakamulun at maksvn nu masuya. Ay wa glugo am fakamulun amauri yap tua kafag ngay taw at ugali.

Esekyel 34:18

O nunda wam guseganan at masine fag fagfafangonan? Wain ay fagfansiadanun lang? O nunda wam yangay guseganan nanginum sat malyo fag mamam? Ay wain ay fakaylatun yay glikbug?

Esekyel 6:9

ay kanya ban fagayu sik ngay natabanan. Ay gina gbanwan sa tibak talun, sanya yaban nu gamatang angku, ay sanya yangay ban nu gamatangan te, nu se aksvn nu kauri au at nafamaboan angku ay nu gseg at ngay fagsegan. Ay kanya ban fagayu maksvn nu kauri at mesa sadili, aroro at ngay nafakamulun maksvn nu mauri ay nu masuya.

Amus 3:13

Tam Fun, Yawi at Mabalyanan nalong te, “Dungugani ku ngay longan, ay fadungugi yangay sas Akub at ngay kasugfunanan te,

Malakyas 2:17

Malakyas nalong yangay sa sangay taw Israel te, “Nafauri am Yawi siginan ay ngay nalong. “Dewa katanya, ginto am te, ‘Nataw nunda em ngay nalong at mauri ay at yud matuyan sa anya?’ “Nalong am te, ‘Tagfakamulun at mauri, masine way sis Dius at daga salubangan. Nu katanya, dada wan Dius at matuyan nu gfawabilugan?’ ”

Tap 16:13

O nunda ya kasakan sa emu, am natabanan emi siginans talun Igiptu, sanya at masine ay maramraman fag talun, laman nangabul ami stie fag talun at yud e taw? Ay katsi, kaylat o namagtainan emi.

Tap 16:9

O nunda yam guseganan dewa am wan Israel at Dius at nafili at masine nangakbang sa at daga salubangan laman gfakamulun sit bale ramit, laman sa sangay taw Israel?

Lukas 1:69

Kanya nafadasug sa antam sik mabalyanan fag tagfalangfe siginan at fagsuguan Dabid at kasugfunanan,

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Ebreu 3:10

Nu katanya, kadotama au kafag ngay taw, ay glong au te, kabavn at ngay amatanganan ngayayu way si angku, ay wa gfaning ku foyungan.