Isayas 7:11 - Fanawbuid tagsibaliwas Fakayabian

¹¹ “Au am Dius Yawi. Eti sa angku sik fakatoglagan laman tagfatuyan sa emu te, namakamulun au ku ngay fatuyanan sa emu, dewa maksvn nu maidap, dewa tagsiginan tangabasad, ay tagsiginan tiba tungud.”

Isayas 7:11 ပူးပေါင်းရင်းမြစ်များ

1 Fun 13:3

Ginanya yangay fia fag menit, Dius at fagsuguan nalong te, “Katatuy fagtoglagan te, Yawi at longan kafasludan: tuy ban fag fagirugan umkarang ay umkafud dua ay tagsanya fag dafug umburas.”

2 Fun 19:29

Ay Isayas nalong sas Esekyas te, “Katatuy am fagsafulan te, Yawi nandiri furuan Erusalem siginan sangay taw Asirya. Katsi fag banwa, ay fakonun ngay rawvg siginan ay yud natanum. Ay at fadogan fag banwa, ay fakonun tagsiginan at natugbung siginan egbanwa at kintong fag bvtang. Ay dewa katanya sis fatuluk banwa, tanumi ay gutlui, ay e fakonun tua ban am. Ay mafatanum yangay ban am ay ubas ay e fagrabasun yangay ban am rawvg sanya ginan.

Nu Galin 7:9

“Igiptu ro at fun nu nalong sa ayu te, ‘Fasurei at madulo,’ longi ro sas Arun te, ‘Ukasi am tulag sas Igiptu at fun at daga salubangan,’ ay am tulag ro umsik ule.”

Isayas 37:30

Ay Isayas nalong sas Esekyas te, “Katatuy am fagsafulan te, Yawi nandiri furuan Erusalem siginan sangay taw Asirya. Katsi fag banwa, ay fakonun ngay rawvg siginan ay yud natanum. Ay at fadogan fag banwa, ay fakonun tagsiginan at natugbung siginan egbanwa at kintong fag bvtang. Ay dewa katanya sis fatuluk banwa, tanumi ay gutlui, ay e fakonun tua ban am. Ay mafatanum yangay ban am ay ubas ay e fagrabasun yangay ban am rawvg sanya ginan.

Isayas 38:22

Ay Esekyas nainto te, “Tain ro sik fagsafulan famatuyan te, umfia au ay malao kyay ban sas Yawi at bale?”

Isayas 55:13

Abat ngate dugi dauy tagtugbung sanya fag daga, altimu tua. Ay abat ngate tanulung, sik dingin tua. Ay at ngay kinfasludan takatanya gfae fagusegananun tua ban angku. Ay kanya ban tagfalag te, mabalyanan au kabavn.”

Isayas 7:10

Yawi gdog yay glong sas Akas te,

Isayas 7:12

Ay Akas nabalus te, “Duan, kwa nanget fakatoglagan; kwa namaskud Yawi.”

Eremyas 19:1

Yawi nalong sa angku te, “Namayad o sik tikung sa takawat tikung. Sanya ginan, tabani tibak tagfangguna ay tagfon fanggalangun at ngay tagfangguna tiba,

Eremyas 19:10

Sanya ginan, Yawi nalong sa angku te, “Rufai am buba fag tikung si sangay taw at nanangalo emu at daga salubangan.

Eremyas 44:29

Kanya ban at fagsafulan te, namaurianan au ayu ste fag talun, laman sumaful am te, gfafasludan au ku longan te, namaurianan au ayu.

Lukas 2:12

Katatuy ay fakasafulan: lumag ban am sik ngenge mafasafungan ramit gtukan si sik fagbaugan.”