Isayas 66:5 - Fanawbuid tagsibaliwas Fakayabian

⁵ Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Isayas 66:5 ပူးပေါင်းရင်းမြစ်များ

1 Fun 21:29

“O nalag o Akab nu gfababaun sa angku? Aroro nafamababaun tua, kwa gfaurianan anya kaduge gleleg, nu bunway sa way ban at baguama, gina gfunan fag buknga.”

2 Fun 22:10

Kanya nalong yay fia sas fun te, “Kilkya fag tagfon fanggalangun nafon sa angku tuy fag fagrirukan.” Ay kanya natap kafag rirukan sis fun at daga salubangan.

2 Krunika 34:27

Nadungug au am darangin ay nu kamababaun o sa ku daga salubangan, gina o nadungug ku longan sabaliwa tuy fag furuan ay ngay tagbanwan ste. Ay ginanya nagirat o am lanbung ay nawayway si ku daga salubangan laman gfalag o te, kabalu o. Nu katanya, au, Yawi, glong au te,

Esra 9:4

Ay ngay taw takalimu tua Israel at Dius at longan anful sa angku, aroro at kaiban fag ngay taw Israel at kinfoli siginan at fagatabananan nafamabo. Ay namalunggung au kabalu, sitsigons fafun baliwa gina namon fanggalangun.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 38:20

Fagayu ku nafakamulun at masine, kanya fagayu at famangsi mauri way. Ay gfawayan gugat angku, aroro kabavn ku fagugatanun at masine tua fag fakamulun.

Fangatulun 13:13

Sik taw nu dway kaylat gdungugan foyungan, umfaurianan way ban, dewa katanya, nusnga sinu tagfaning tua, e gfon tua ban sa anya nusnge wain.

Sulumun at Alubad 1:6

Lag am gfalingun angku dewa au malayung, aroro antimrang au sis baksak. Ku ngay faduksay mangama andotama angku, ay nafafakamulun angku sas tanuman wat ubas. Nu katanya, nafabayan au ku sadili.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 5:19

Ay nalong yayam te, “Taw Israel at Dius at yud e Malong, fasakiti wan nu gfadasug o am algan, laman lumag ami. Fafasludani wan ebi am nalong am fagnamakamulunun, laman sumaful ami.”

Isayas 60:15

Dewa nafamabo ay nafauri emu, ay wa nafae masuad, namasik takadungug kban emu kabavn ay fagayu ban kasugfunanan guseganan.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Eremyas 36:16

Ay kafag ngay tagfangguna nu nadungug fagayu at marirukan, kanya fagayu anlimu ay nadaddaman ay nalong sas Baruk te, “Nanlong tam sas fun tam ngay nadungug.”

Usea 11:10

Galo am angku nung au gsubang kata sik liun. Ay gina au gsubang, masakit nu guli am siginans fakayabian.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Lukas 13:17

Ay Isus nu nafoyung takatanya, fagayu tagfawayan anya ankapla, ay ngay taw guseganan nu nalag Isus at nafakamulun at maksvn nu madulo.

Uan 16:2

Ngay taw ban gaiyan ayu siginan sangay bale fakafulan. Ay kadasug ban tibak buknga nusnga sinu ban at nafabul ayu gamatangan te, kanya fagayu gfaning Dius.

Uan 9:34

Kafag ngay tagfangguna gbalus te, “Siginan yay nu bagu o kasalug sik tagasalanan wo, ay katsi kamoyung yay o sa emi.” Ay kafag ngay taw naiyan wa anya siginans bale fakafulan.

2 Tesalunika 1:12

Nu katanya tua e namauseganan tam Fun Isus aroro siginan ay ugali, ay e namauseganan yangay ayu gasfuan anya siginan tam Dius ay tam Fun Isus at fagmagalangun.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Uan 3:13

Ku ngay faduksay, lag kadulo tagste swa daga fag ngay taw nu kauri ayu.