Isayas 66:4 - Fanawbuid tagsibaliwas Fakayabian

⁴ Ay nustua, namadasug kban sa anya fagayu ku faurianan at maksvn, tagfae fakalimuun ban maksvn anya fagayu. Aroro ebi gina au guro ayu, wam nabalus angku, ay gina au garingang, wam nadungugan. Kanya fagayu nafakamulun at mauri si ku daga salubangan, ay nafakamulun ku fagyudun kaylat fag ngay fakamulun.”

Isayas 66:4 ပူးပေါင်းရင်းမြစ်များ

2 Fun 21:2

Ay kanya mauri way at nafakamulun sis Yawi at daga salubangan. Kanya nafaning way Yawi at naiyan fag ngay taw at ngay fagmauriun. Yawi nafababawan anya fagayu sa sangay taw Israel.

2 Fun 21:6

Ay kanya nairug at sisian laman at fanggalangun. Ay kanya nafakamulun kata ngay taginsaful ay tagfangufit, ay nainto sa sangay tagfakamatoan sat ngay kinbul at falad. At ngay fakamulun maksvn nu mauri, ay gfadotama Yawi.

Alubad. 81:12

Nu katanya, nafabayan kwan ayu, ay nafaning wam ay sadili fakaylatun, aroro kamaogatun am.

Fangatulun 1:24

gina au guro, wam nafandungug ku ngay famalun ay ku ngay fansalag,

Fangatulun 10:24

At mauri fag taw at fakalimuun kafasludan wa fia, ay sik taw at matuyan, magbilug tua ban nusnga setaw at fakaylatun.

Isayas 50:2

Wain am fagyudun naylat angku ebi gina au bagu kadasug? Wain am fagyudun gbalus angku ebi gina au guro emu? O nunda kwa mafalangfe emu? Mafalanggang kway dagat siginan sik aringang. Ay mafakata kway talun at magong ngay liskung laman ngay albon umbul.

Isayas 59:15

Anud, fagmatuyanun nalyam wan, ay fagayu tagsaruyan at mauri gafalingunan wan. Ay Yawi nalag takatanya, ay wa guseganan aroro we gfawabilugan ya.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Isayas 65:12

Nu katanya, nafalganan kwan nu kabul am. Aroro ebi gina au guro ayu, wam nabalus angku, ay gina au garingang, wam nadungugan. Nafakamulun am at mauri sa ku daga salubangan; ku fagyudun kaylat fag ngay fakamulun.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Isayas 65:3

Ku ngay taw nafadotama angku. Ay gfataglayun gfalag sa angku nu gseg at ngay fagsegan gina gfon at ngay fanggalangun si sangay tanuman, ay gina girug at ngay mabebanglu fag ngay lune sit ngay tungud bale.

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:30

Yawi nalong te, “Ngay taw Uda nafakamulun at mauri. Ay kanya fagayu nafasakbo at masuya fag ngay fagsegan sa ku bale nu inda at fagnamauseganan angku, nu katanya, ansik masuya.

Esekyel 11:8

Kalimu wayam awayan, dewa katanya, kanya ban fag awayan ku famabul ayu. Au, Yawi ay Fun, taglong tuy.

Esekyel 14:4

Nanlong o sanya fag ngay taw te, au, Fun Dius Yawi, glong au te, ‘Nusnga sinu fag taw Israel takesug tibak fagsegan, at nafae asalanan anya, ay kanya nafainfalu sa sik taglong, gbalus au kanya fag taw siginan sik faurianan at kasakan, nu seyu at fagsegan.

Esekyel 20:25

Nu katanya, nafabayan kwan kanya fag ngay taw nu gfaning at yud masine fag ngay suguan ay fag ngay faugali, at yud mafafon leleg at masine.

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

1 Samwel 8:19

Ay kanya fag ngay taw wa gdungugan Samwel, glong way te, “Duan! Kaylat ami sik fun at nanfunan emi.