Isayas 66:3 - Fanawbuid tagsibaliwas Fakayabian

³ Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Isayas 66:3 ပူးပေါင်းရင်းမြစ်များ

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Fangatulun 21:27

Yawi kauri way taw mauri at fanggalangun, kaugat wan at algan nu mauri way.

Isayas 44:19

We namatangan ya te, ‘Kafag kayu sik lifung ku famatama ku nanan, ay ku fagsugban way yamas, ku fakonun. O nangawat kyay sik mauri fag fagsegan at sawad? O nanseg au sa sik lifung kayu?’

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Isayas 65:12

Nu katanya, nafalganan kwan nu kabul am. Aroro ebi gina au guro ayu, wam nabalus angku, ay gina au garingang, wam nadungugan. Nafakamulun am at mauri sa ku daga salubangan; ku fagyudun kaylat fag ngay fakamulun.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Isayas 66:17

Yawi nalong te, “Gasfuan ban nu kabul ngay taw takamuag te, di e malong, ay tagfasine at ngay sadili siginan nu gseg at ngay fagsegan sat ngay fagtanuman. Kanya ban fagayu kabul gina kon bumbu at yamas, ay but, ay tiba yak mangilafang at natuyan te, masuya.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Lebitiku 2:2

Ay kanya namuba at fanggalangun sas Arun at kasugfunanan fag ngay tagfon fanggalangun. Ay kanya fag ngay tagfon fanggalangun gbul sik galumut kafag fangawat tinapay at mafasuglatan langis ay famaebebanglu, ay nangirug sas fagirugan. Sanya ginan, ngay tagfon fanggalangun nangirug kafag fanggalangun. Ay kafag ngay fanggalangun at ayuk at mabebanglu sik famauseganan Yawi.

Agay 2:14

Agay glong te, “Yawi gfatuyan te, katanya yangay ngay taw Israel at fakamulun ebi, mauri way nusnga setaw at fakamulun ay masuya way at ngay fanggalangun sas Yawi.

Deuterunumyu 14:8

Lag yangay kon bumbu, aroro at u dewa mabaltakan, wa gdog gamsak at naon. Lag am kon kafag ngay fagbaugun at yamas ay lag gted at bilug at mabulan.

Deuterunumyu 23:18

Lag am gbuba sas Yawi at bale ay bulan fag salapi siginan takatanya fag balyawvtan laman ay fanggalangun sa anya, aroro takatanya fag fakamulun mauri way sa ay Dius Yawi.

Tagfangguna 10:14

Wain wayam nanget gubuk sa ay ngay nafili fag fagsegan? Kanyai wan tagfalangfe ayu gina am gidapan.”

Tagfangguna 21:25

Ginanya fag ngay buknga, we gfunan sis Israel. Nu katanya, galay at sadi gfakamulun nusnge wain at fakaylatun.

Tagfangguna 5:8

Ngay taw Israel nu naseg tibak fagsegan, sit talun anke awayan. Ay nusdi sadi kafag ufatk safuluk taw Israel we famalabag ay bangko.