Isayas 66:23 - Fanawbuid tagsibaliwas Fakayabian

²³ Ay galay fagmafulun sabaliwa Magdanun nu Bagu Kasure, ay Famiangalay fag Menit, fagayu am fauseganani angku.

Isayas 66:23 ပူးပေါင်းရင်းမြစ်များ

2 Fun 4:23

Ay at mangama nainto te, “Wain fagkatsiun yay nu glao o? Katsi bunwa fagmafulun sabaliwa Magdanun nu Bagu Kasure ay bunwa Famiangalay fag Menit.” Ay at mangena gbalus te, “Dewa ro.”

Alubad. 22:28

Aroro Yawi sik Fun, ay gfagtainan sas fagdaul daga.

Alubad. 65:2

Fagayu taw nangakbang sa emu aroro nabalus tuo at ngay darangin.

Alubad. 65:3

Malubguban ami si em ngay asalanan, ay dewa katanya nafalyam tuo fagayu em ngay asalanan.

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Isayas 19:23

Ginanya ban fag menit, umke dalan siginans talun Igiptu sitsigons Asirya. Ay ngay taw Igiptu ay ngay taw Asirya gfoyfolian ban gugat, ay magamut ban gseg.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Esekyel 45:17

Ay kafag tagfangguna namon fagirugun fag ngay fanggalangun, gutluan fag ngay fanggalangun, fanginum fag fanggalangun, famalyam asalanan fag fanggalangun, ay fanggalangun laman sas fagmanabayanun. Kanya namon takatanya fag ngay fanggalangun galay fagmafulun sabaliwa Magdanun nu Bagu Kasure, Famiangalay fag Menit, ay tiba ya at fagmafulun. Kanya namon kafag ngay fanggalangun laman famalyam ngay taw Israel at ngay asalanan.

Esekyel 46:1

“ ‘Au, Fun Dius Yawi, glong au te, kaduge am gfakamulun unumk menit, lag gluang tagsis fakamenitan baliwa fag sakbawan alad. Dewa katanya luangi gina Famiangalay fag Menit ay gina fagmafulun sabaliwa Magdanun nu Bagu Kasure.

Esekyel 46:6

“ ‘Galay fagmafulun sabaliwa Magdanun nu Bagu Kasure, tagfangguna gfon fanggalangun sik riangan baka tama, sik tama tupa, ay unumk riangan tupa at yud e malong.

Sakaryas 14:16

Sanya ginan, at kinsawad ban fag ngay taw sas fagayu talun at nanamawayan Erusalem nangadasug sanya fag furuan laman nanseg Yawi ay nangasadi nangaful sabaliwa nu Kawat ngay Fayag.

Sakaryas 14:18

Ay anggan ngay taw Igiptu at yud nalo sas Erusalem, dumalan yangay Yawi at fagnamadasugun fag faurianan kata at kumfasludan sa sangay talun at yud nangalo sas Erusalem laman nangaful sabaliwa nu Kawat ngay Fayag.

Sakaryas 14:19

Kata kanya at faurianan sa sangay taw Igiptu ay sas fagayu talun at yud nalo sas Erusalem laman nangaful sabaliwa nu Kawat ngay Fayag.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Uan 4:23

Ay kadasug ban sik buknga, ay kafag buknga katsi wan, at matuyan fag ngay tagseg, gseg tam Mama siginan fia at falad ay fagmatuyanun. Takatanya tua fag ngay taw tam Mama at fagrvbvyun tagseg anya.

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”