Isayas 66:19 - Fanawbuid tagsibaliwas Fakayabian

¹⁹ “Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Isayas 66:19 ပူးပေါင်းရင်းမြစ်များ

Fakasigadan 10:13

Misraim at kasugfunanan: ngay taw Lud, taw Anam, taw Leab, taw Naftuk,

Fakasigadan 10:2

Afet at ngay baguama: Gumer, Magug, Medya, Aban, Tubal, Mesek ay Tiras.

Fakasigadan 10:22

Sem at ngay baguama: Elam, Asur, Arfaksad, Lud ay Aram.

Fakasigadan 10:4

Ay Aban at ngay baguama: Elisa, Tarsis, Kitim, ay Dudanim.

Fakasigadan 9:27

Dius ban nangus gfabia Afet at talun. Ay Sem ban nangus at gaban namanwan sas Afet fag gaban. Ay Kanaan ban nangus Afet wan at fagsuguan.”

1 Krunika 1:11

Misraim at kasugfunanan: ngay taw Lud, taw Anam, taw Leab, taw Naftuk,

1 Krunika 1:7

Ay Aban at ngay baguama: Elisa, Tarsis, Kitim ay Rudanim.

1 Krunika 16:24

Foyungi sas fagayu talun at taw te, Yawi mabalyanan ay at ngay nafakamulun madulo.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 18:7

Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Isayas 2:16

Kanya ban gfalubgub wan fagayu sakayan lino tagbia ay at masine.

Isayas 29:24

Ngay taw ban at yud saful at matuyan sumaful wan, ay takamayud ban guseganan wan nu e gfoyung anya.”

Isayas 42:12

Fauseganani segi Yawi, fagayu am tagsiginan tangayayu fag ngay talun tagsis wabilug dagat.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 49:22

Yawi tam Fun glong te, “Gyafe au sa sangay talun laman gfafoli am ngay taw sa emu kata at fagulitun fag ngay sisian.

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 52:15

Anggan ban tibak talun at ngay taw umdulo anya. Ay at ngay fun ban wa maringang ya, aroro kanya ban fagayu lumag nusnge wain at masuksukan, ay sumaful ban nusnge wain at yud batang nadungug.”

Isayas 55:5

Nanguro am ay fagyudun toglag fag ngay talun at ngay taw, ay kanya ban fagayu gabanganan nangakbang sa ayu, aroro au Yawi, Israel at Dius at yud e Malong, at nafae famauseganan ayu.”

Isayas 62:10

Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.

Isayas 65:1

Yawi nalong te, “Nafatoglag au angku sa sangay taw at yud ginto ya sabaliwa angku. Ay kanya fagayu nalag angku dewa yud narvbvy. Ay dewa yud guro angku, nafatoglag ktua sa anya fagayu ku sadili.

Eremyas 46:9

Ngay taw Igiptu, fatarungi wan ay ngay kabayu ke ngay faguyudan fangawayan! Fagayu am ay anggan ay ngay fagudgubukan fag ngay taw Etiupya, Put, ay Lidya tagsaful gagbilug ngay famalabag ay godun.

Esekyel 27:10

Am ngay tagfawayan tagsiginans furuan Persya, Lidya ay Put. Ay kanya fagayu gsayang at ngay famalabag ay at ngay fangalfuyu sim dingding, ay kanya gfae fagusegananun emu.

Esekyel 27:13

“ ‘Ngay taw Gresya, Tubal ay Mesek nanamabangsi yangay sa emu at ngay famaloun. Ay kanya fag ngay taw at famayad at ngay fagsuguan wan ay at ngay fagagbilugun at mawatan tansu.

Esekyel 30:5

Ginanya ban fag awayan, ngayu bank taw Etiupya, Put, Lidya, Arabya, Libya ay tiba yayk talun at taw takabul, Igiptu at fagsegun.

Esekyel 32:26

“Ay Mesek ay Tubal at ngay fun sanya yangay. At fagfolian magamut yangay at ngay tagfawayan. Kanya fagayu wa gafanud sas Dius, ay anbul yangay sis awayan. Ay kaduge kanya fagayu gleleg, nafalimu ngay taw.

Esekyel 39:1

Yawi nalong sa angku te, “Taw at baguama, nangaringang o at mauri sas Gug, nanlong o anya te, ‘Au, Fun Dius Yawi, glong au te, Gug, ku fawayan o, o fag tagfangguna sis Mesek ay sis Tubal.

Esekyel 39:6

Ay nangirug kban Magug, ay anggan at ngay fagadgalangan fag ngay talun at taw tagbanwan manabayan sis tigyangan dagat. Ay kanya ban fagayu sumaful te, au Yawi.

Daniel 11:18

Nu katanya, at fagnamawayanun ban, ngay talun way ayu sirut tagsis tigyangan dagat, ay ngayu ban at fagnangagbilugun. Dewa katanya, sik tagfangguna ban namaragang kafag fun nu gfapla tibak taw ay kanya way ban fag fun takapla.

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

Sefanias 3:10

Ku ngay taw at nasaruayan sas dife Liskung Etiupya namuba ban sa angku at ngay fanggalangun.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 28:19

Loi wan ay faetagadali angku sas fagayu talun at ngay taw. Fasurungi anya fagayu sa tam Mama at ngayan ay at Baguama at ngayan ay at Masine fag Falad at ngayan.

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

Lukas 2:34

Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Ruma 15:21

Nu bunway kata at Rirukan te, “Sat yud batang e gbarita sabaliwa anya, lumag ban anya, ay at yud yay batang gdungug sabaliwa anya, tumogdungug ban.”

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,