Isayas 66:18 - Fanawbuid tagsibaliwas Fakayabian

¹⁸ “Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Isayas 66:18 ပူးပေါင်းရင်းမြစ်များ

Ub 42:2

“Nasaful au te, mafakamulun o fagayu, ay nusnga sinu we mafaragang emu.

Alubad. 139:2

Saful way o te, malunggung au ay malindug. Ay dewa o ngayayu, saful way o fagayu tagsi ku amatanganan.

Alubad. 67:2

laman fagayu talun at ngay taw sumaful am ngay balyawvtan ay nu gfalangfe o.

Alubad. 72:11

Ay kanya ban nangus fag ngay fun gfababaun tua sa anya. Ay fagayu ban nangus talun at taw gfaning tua anya.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Alubad. 82:8

Dius, faurianani wan ngay talun sas fagdaul daga, aroro kanya fagayu am fagagbilugun way.

Alubad. 86:9

Fagayu am nawat fag ngay gaban taw tagsiginan sangay talun kadasug sam daga salubangan, laman nanrungan nanseg emu, ay namauseganan am ngayan,

Alubad. 94:11

Yawi saful way te, ngay taw at amatanganan we masuad.

Alubad. 97:6

Banwa gfoyung te, Dius matuyan. Ay fagayu talun at taw nalag at fagmasineun.

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 37:28

Nasaful kwan fagayu sabaliwa emu. Nu inda nu gbanwan o, ay nu daginan o, ay nu dada ro wo, ay nu setain nu kadotama o angku.

Isayas 40:5

Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 55:8

Yawi nalong te, “Ku amatanganan gtungud tua ay amatanganan ay ku balyawvtan gtungud tua ay balyawvtan.

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Isayas 57:12

Nu glong am, masine ay matuyan ay ngay nafakamulun, ay dewa katanya namasaful au te, setain ay ugali, ay takatanya fagayu we tungkul sa ayu.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Isayas 66:10

Fagayu am takesug Erusalem useganani ay segi gasfuan anya,

Eremyas 16:17

Nalag au kanya fagayu at ugali ay we masuksuk sa angku. Ay nalag kyangay kanya fagayu at ngay asalanan.

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Esekyel 38:10

Fun Dius Yawi nalong yay fia te, “Ginanya ban fag buknga umke algan ban o at mauri.

Esekyel 39:21

“Ay gina kban nafaurianan ngay talun at taw, kanya ban fagayu sumaful te, kaksvn nya ku fagmabalyananun.

Uel 3:2

namaful kban ay nantaban tibak talun at ngay taw sas datag Eusafat. Ay namaurianan kban anya fagayu, aroro sat nafakamulun mauri sa ku ngay taw Israel. Kafag ngay taw nataban ku ngay taw sa tibak talun ay nafudan at daga.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Sakaryas 14:16

Sanya ginan, at kinsawad ban fag ngay taw sas fagayu talun at nanamawayan Erusalem nangadasug sanya fag furuan laman nanseg Yawi ay nangasadi nangaful sabaliwa nu Kawat ngay Fayag.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 12:25

Ay Isus nasaful kafag ngay taw Fariseu at amatanganan, ay nalong anya te, “Kayu fun at fagfagtainanan fag ngay taw nu gawayan way gugat, abandi kalyam wan kanya fag fagfagtainanan. Ay katanya yangay at kumfasludan sa sik furuan ay mannga sik talafuan nu gawayan way gugat.

Mateu 9:4

Ay Isus nasaful kafag ngay taw at amatanganan, ay glong te, “Wain ay fagamatanganun at mauri?

Lukas 5:22

Ay Isus nasaful kafag ngay taw at amatanganan ay glong te, “Wain ay fagamatanganun takatanya?

Uan 17:24

“Mama, kaylat au am nafon angku fag ngay taw nu magamut ban si angku sa ku fagnangadasugan, laman ban kanya fagayu lumag am nafon angku fag fagmasineun, aroro kesug o angku siginan ngay nu yud e daga.

Uan 5:42

aroro toglag kway ayu. Saful kway te, Dius at fakesugun wa si ay amatanganan.

Ruma 16:26

dewa katanya, katsi ansure wan ay ansaful siginan Dius at ngay taglong at Rirukan, ay gfaning at yud e fakatabuan fag Dius at suguan, laman fagayu taw gafanud tua ay galo anya.

1 Kurintu 3:20

Katanya yangay, “Tam Fun saful te, we tungkul at mamatanganan fag ngay taw at amatanganan.”

Deuterunumyu 31:21

Ay nu ndasug ban sa anya fagayu faurianan ay fagidapun, kanya ban fag alubad tagfatuyan sabaliwa anya fagayu, aroro at ngay kasugfunanan ban wa kalyam kanya fag alubad. Nasaful kwan kanya fagayu at algan, dewa au yud yay nataban anya fagayu sa ku nafatuyanan fag talun.”

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 2:13

Saful kway te, ay fagbanwanan siway Satanas at fagbanwanan, dewa katanya, matuyan tuam gugat sa angku. Ay diam natalyuyan ay fagafanudun sa angku, dewa ebi gina e gfabul Antipas, ku tagfatuyan at matuyan fia, sanya si ay furuan, sis Satanas at fagbanwanan.

At Nafasure 2:2

Saful kway ay ngay fakamulun, ay ay faginlufuyanun ay anggan ay fagagwantanun. Ay saful au te, kauri tuam at mauri fag ngay taw. Ay nainsaful am fia sa baliwa takamaningan fag ngay nasugu, ay natuyan am te, kanya fagayu kamuagan way.

At Nafasure 2:9

Saful kwan ay fagagwantanun fag ngay fagidapun. Saful kway te, sik ngay maidap way am, ay at matuyan maramraman am. Ay saful kyangay te, e gfalingun ayu. Kanya fag ngay taw kamuagan te, sik ngay taw Udyu, ay at matuyan kanya fagayu Satanas way at ngay taw.