Isayas 66:17 - Fanawbuid tagsibaliwas Fakayabian

¹⁷ Yawi nalong te, “Gasfuan ban nu kabul ngay taw takamuag te, di e malong, ay tagfasine at ngay sadili siginan nu gseg at ngay fagsegan sat ngay fagtanuman. Kanya ban fagayu kabul gina kon bumbu at yamas, ay but, ay tiba yak mangilafang at natuyan te, masuya.

Isayas 66:17 ပူးပေါင်းရင်းမြစ်များ

Isayas 1:31

Ay at mabalyanan ban fag taw umkata sik baruk, ay at fakamulun kata sik batsio, ay fagdua umsik igang, ay wa ban e mafarabung ya kanya fag afuy.

Isayas 13:9

Fagayu am dungugani! Yawi at menit kadasug wan, ginanya ban fag menit namasure at maksvn at dotama ay at faurianan. Kanya ban rumasras sanya fag daga ay wa ban kabanwan ya, ay fagayu tagasalanan tagbanwan sanya umkamin.

Esekyel 4:14

Sanya ginan, nalong au te, “Yawi, ku Fun, lag o gsugu angku te, fakamuluni takatanya. Nasaful wo, kwa batang gfasuya ku sadili, siginan nu masisian au dasug katsi. Kwa batang kon nusnga setaw fag fagbaugun at kinbul, ay tibak mangilafang at nafabul, ay kwa yangay batang kon nusnga setaw fag fagbaugun at yud masine ay am nafatuyan te, masuya.”

Lebitiku 11:29

Ay tuyani yangay te, masuya way nusnge wain fag mangilafang tagalafangan kata but, taktak, tiki, aktat, buaya, ay balan. Nusnga sinu fag taw at nated takata kanya fag ngay mangilafang at kinbul, tuyani anya te, sik masuya yakmay menit anfalyu.