Isayas 66:16 - Fanawbuid tagsibaliwas Fakayabian

¹⁶ Yawi ban gagbilug afuy ay fiso tagsumbalian at uyup, laman namaurianan at ke asalanan fag ngay taw, ay ngayu ban at fagnamabulun.

Isayas 66:16 ပူးပေါင်းရင်းမြစ်များ

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 27:1

Ginanya ban, Yawi gbitbitan at mabalyanan at maruk fag fiso laman namabul Libyatan, kafag ule daul tagalafang sasad dagat.

Isayas 3:13

Yawi mafalganan wan laman nanginsaful te, sinu at ke asalanan. Kanya nanginsaful at ngay taw.

Isayas 30:30

Ay sanya Yawi namadungug at mabalyanan fag aringang, ay namasure at daluap laman gfasaful te, mafalganan wa namauri aroro maksvn nu kadotama. Gfasfuan sik tagigang fag afuy, ay arak way nu umbusbus, ay glimbad ay gtalafun, ay arak yelu kadaul ngay gang ayu sirut.

Isayas 31:8

Fagayu taw Asirya umbul wan, dewa katanya, bunwa siginans fiso. Kanya ban fagayu lumagyu siginans awayan, ay fagayu at ngay baguama nangafagsuguanan.

Isayas 34:2

Aroro Yawi kadotama fagayu talun at ngay taw, kanya kadotama at ngay tagfawayan, ay namamin ban fagayu. Namabul waban anya fagayu.

Isayas 65:12

Nu katanya, nafalganan kwan nu kabul am. Aroro ebi gina au guro ayu, wam nabalus angku, ay gina au garingang, wam nadungugan. Nafakamulun am at mauri sa ku daga salubangan; ku fagyudun kaylat fag ngay fakamulun.

Eremyas 25:31

Umdungug at uro sas fagdaul daga, aroro kanya namaurianan ngay talun aroro sat ngay fagmauriun ay namaurianan anya fagayu yakmay kanya fagayu anbul.’ Au, Yawi, taglong tuy.”

Eremyas 25:33

Ginanya ban fag menit, Yawi gfabul ngayuk taw ay at ngay bilug ban grapyagan sas nusnga nday sas fagdaul daga. Wa ban e kabalu ya ay we kaful ya ay we namoli ya anya fagayu. Gfabayan way lang ban anya fagayu kata sik fagbaugun at ngay kek sis tungud daga.

Eremyas 45:5

Lag o grvbvy ya nusnge wain fag ramraman at mafanud. Aroro gfadasug kban faurianan sas fagayu taw, dewa katanya, gfalangfe ktua ban emu nusnga nday ban nu glao o. Au, Yawi, taglong tuy.’ ”

Eremyas 46:15

Wain ay ngay tagfawayan at maseganama at fagnalagyuun? Kanya fagayu nalagyu aroro Yawi naiyan.

Esekyel 28:18

Nafasuya o am fagnansegan fag ngay furuan, aroro ngayu am asalanan ay am nafamuag gina o gfabangsi. Nu katanya, si sangay taw at daga salubangan tagdama emu, nairug kwan am talun ay ankirug o ay ankata dafug.

Esekyel 38:17

“ ‘Au, Fun Dius Yawi, glong kyay fia te, ebi nalong au sa ku ngay fagsuguan, Israel at ngay taglong te, e namawayan ban ngay taw Israel, ay o wan Gug ku nalong at namawayan.

Esekyel 5:15

Ay aroro sat kindasug sa ayu, tagligung ban ayu fag ngay talun at ngay taw gfapla ay gfalingun ay gsaruyan ayu. Ay ku faurianan ban sa ayu, sik famararang sa tagligung ayu fag ngay talun at ngay taw. Au, Yawi, taglong tuy.

Uel 3:2

namaful kban ay nantaban tibak talun at ngay taw sas datag Eusafat. Ay namaurianan kban anya fagayu, aroro sat nafakamulun mauri sa ku ngay taw Israel. Kafag ngay taw nataban ku ngay taw sa tibak talun ay nafudan at daga.

Amus 7:4

Fun Dius Yawi e nafalag yay fia sa angku: nalag au kanya nu gfalganan laman namaurianan ngay taw Israel siginan sik afuy, laman ban kafag afuy namalanggang ngay bulbug ay nangirug nusnga setaw sis talun Israel.

Naum 3:15

Dewa katanya, umbul ban am si ay fagbanwanan siginans afuy ay fiso tagsumbalian at uyup. Kata am sik ngay tanum ngay liung at naon. Ankayu am kata ngayuk liung.

Naum 3:3

Kanya fagayu nalag wan ngay tagakabayuan nu nantungul, ay at ngay fiso tagsumbalian at uyup ay at banyas nu ganinag, ay ngayu at kinbul nu mafafulan. Ay ngay tagfawayan kataid si sangay kinbul.

Sakaryas 14:5

Ngay taw Erusalem nu glagyu am, sanya fag datag ay dalan, aroro kafag dalan gdasug sas Asel. Nanlagyu am kata ay mangaguyang at nafakamulun ebi gina guig, gina Usya at fun sis talun Uda. Yawi ku Dius kadasug gadgaloan at ngay tagbarita.