Isayas 66:14 - Fanawbuid tagsibaliwas Fakayabian

¹⁴ Nu nalag ban am ku fakamulun takatanya, guseganan am ay umkaksvn kata sik tanum at marabung. Yawi ban gfalag at fagmabalyananun sat ngay fagsuguan, ay dewa katanya kanya ban gfalag at dotama sat ngay fawayan.

Isayas 66:14 ပူးပေါင်းရင်းမြစ်များ

Esra 8:18

Ay aroro Dius ggubuk tua emi, kanya fagayu nasugu stae Serabya, anggan at ngay sisian ay at ngay faduksay fag labi waluk mangama. Serabya sik mamatanganan fag taw ay siginan Makli at talananan ay Lebi at kasugfunanan. Ay Lebi, Israel at baguama at sadi.

Esra 8:22

Aroro kapla au get sas fun at ngay tagfawayan ay at ngay tagsaful gsakay sis kabayu laman galaga emi sa em ngay fawayan kaduge ami glao, aroro nalong ami sas fun te, ‘Dius ggubuk fagayu tagseg anya, dewa katanya, kanya maksvn nu kauri sas fagayu takamabo anya.’

Esra 8:31

“Ay sis falabi duak menit gina taguna fag magdanun nalao ami siginans Liskung Aaba ay nataglayun ami sas Erusalem. Ay kaduge ami glao, em Dius nagubuk ay nadiri tua emi siginan em ngay fawayan ay siginan takamabul fag ngay taw.

Alubad. 107:42

Ay at matuyan fag ngay taw nu nalag takatanya, guseganan, dewa katanya at mauri fag ngay taw maragangan way lang.

Fangatulun 17:22

Sik taw taguseganan tua gugat, kata sik famafia tagfamanabayan at iba at bilug, ay nu mafabaluanan way gugat, kamomuy way at bilug.

Fangatulun 3:8

Aroro katanya tua tagfae fagmanabayanun ay tagfabitsug emu.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 13:5

Kanya fagayu siginan tangayayu fag ngay talun. Yawi ay at ngay tagfawayan rumasras fagdaul talun.

Isayas 26:19

Dewa katanya, gdog yay ban gleleg am ngay taw at kinbul. Ay at ngay mabulan ban umlunggung yay ay nangalubad guseganan. Nu setain nu gfae damug o sas daga, o yangay tagfadog gfaleleg fagayu kinbul.

Isayas 26:20

Fagayu am ku ngay kaiban, sakboi wan sa ay ngay bale ay dingdingi wan ay ngay sakbawan. Suksuani yakmay anlangfe Yawi at dotama.

Isayas 30:27

Dungugani fagayu am! Yawi kadasug siginan tangayayu, kata nu gigang at dotama sis wa buknga anus. Ay at bibig mapnu dotama ay nu garingang kata wa sik tagigang fag afuy.

Isayas 33:20

Damai Siun, tam fagnangafulan fag furuan kayu ginan tam e fagmafulun. Kanya fag furuan at sadi at ngayan Erusalem, sik manabayan fag furuan at masine nu kabanwan. Kanya kata sik mogat fag bale ramit, ay at ngay turuk di kagulad ay fagayu at ngay siuk di mgatvng.

Isayas 34:2

Aroro Yawi kadotama fagayu talun at ngay taw, kanya kadotama at ngay tagfawayan, ay namamin ban fagayu. Namabul waban anya fagayu.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 41:20

laman ngay taw lumag, ay sumaful, ay umtuyan te, au Yawi, Israel at Dius at yud e Malong, at nafakamulun takatanya.

Isayas 42:13

Yawi namawayan kata sik tagfawayan at mafalganan. Kanya guro sik famasaful te, namawayan wan, ay namabo at ngay fawayan.

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Sakaryas 10:7

Ay anggan ngay taw Efraim umkata yangay ngay tagfawayan at mabitsug, ay kanya fagayu umke fagusegananun. Ay at ngay fufu ban gamatang at nababoan, ay guseganan sa ku ngay nafakamulun.

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Uan 16:22

Katanya yangay ban am, katsi kabalu am, ay nu nadog ban tam naladlagan, maksvn tua ban nu guseganan am, ay wa ban e maago siginan ayu ay fagusegananun.

Ebreu 10:27

Takadasug ban faurianan way lang at maksvn nu malimu, ay at masugba fag afuy daul, at namamin ban Dius at ngay fawayan.