Isayas 66:13 - Fanawbuid tagsibaliwas Fakayabian

¹³ Namasun kban ayu kata sik mina nu gfasun at ngenge.”

Isayas 66:13 ပူးပေါင်းရင်းမြစ်များ

Alubad. 137:6

Kwa ban nangus maringang ya, kway gamatangan ya sabaliwas Erusalem, ay kway gtuyan te, siginan anya ku fagusegananun.

Alubad. 94:19

Gina au gafanawa, nafasun tuo ay nafae fagusegananun angku.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 40:1

Dius nalong te, “Fasuni ku ngay taw.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 66:10

Fagayu am takesug Erusalem useganani ay segi gasfuan anya,

2 Kurintu. 1:3

Segi Dius, tam Fun Isus at Mama, kanya mafangafanyu tua ay gfon fagmasunun.

2 Kurintu. 1:4

Kanya wan tagfasun antam sas fagayu tam fagidapun, laman mafasun yangay tam fagayu at ke fagidapun, kata Dius nu gfasun antam.

1 Tesalunika 2:7

Aroro tam Fun Isus ami at ngay nasugu, e fagmakatuun ami get ay fanggubukun. Ay wami nafakamulun takatanya. Abat ngate, malukme tuami fia sa ayu kata sik mina nu galaga at ngay sisian.