Isayas 66:12 - Fanawbuid tagsibaliwas Fakayabian

¹² Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Isayas 66:12 ပူးပေါင်းရင်းမြစ်များ

Isayas 14:2

Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Isayas 33:21

Sanya wan Yawi nu gfalag sa antam te, kanya tua tam Dius at Mabalyanan. Erusalem umkata sik furuan at ke tagbia fag mamam ay ke bulbug, ay at ngay fawayan at ngay sakayan lino wa madife sanya.

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 54:13

Namoyung kban sa am ngay taw laman gbanwan tua manabayan.

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Isayas 61:6

Gfangayan ban ayu te, Yawi at ngay tagfon fanggalangun ay tam Dius at ngay fagsuguan. Gagbilug ban am tibak talun at ramraman, ay guseganan ban am.

Isayas 66:11

laman umsik maramraman yangay am kata sik ngenge tagsusu sit mina ay napsug.”

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Agay 2:9

Katsi, ku bale ban amasine yap tua ebi taguna. Nu katanya, namae fagmanabayanun kban tuy fag furuan daul. Au, Yawi at Mabalyanan, taglong tuy.”