Isayas 65:9 - Fanawbuid tagsibaliwas Fakayabian

⁹ Gfasawad kban Akub ay Uda at kasugfunanan tiba, ay kanya ban fagayu at nangagbilug ku nafili fag talun at ke ngay buksul. Kanya fagayu ku nafili ay ku ngay fagsuguan at namanwan ban sanya fag talun.

Isayas 65:9 ပူးပေါင်းရင်းမြစ်များ

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 32:18

Fagayu am ku ngay taw, manabayan ban nu gbanwan am, ay anlangfe wam siginans faurianan. Ay di ban e gfasalag ayu.

Isayas 45:19

Ku ngay nalong di e masuksuk. Kwa ro nalong sas Akub at ngay kasugfunanan te, ‘Rvbvyi angku,’ nu dway ro e fagsegun te, lumag ro angku. Au wan Yawi, ku ngay nalong matuyan. Glong au fagayu at masine.”

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 57:13

Ay nu naet am gubuk, fabayani wan ay ngay fagsegan taggubuk ayu. Kanya ban fagayu kalayug siginan at maksvn fag tagmara. Dewa katanya, nusnga sinu tagafanud sa angku, namanwan tua ban sanya fag daga ay nangagbilug at yud e malong fag buksul.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 65:15

Ay ku ngay fagsuguan ban gfauri ay ngayan, ay au Fun Yawi, at namabul ayu. Dewa katanya, namon kban sa ku ngay fagsuguan at bagu fag ngay ngayan.

Isayas 65:22

Ay bunwa ban at ngay fawayan at namanwan sat ngay bale, ay at nanggutlu at ngay fananumun. Aroro nu setain sik fun kayu nu ngaduge nu yud kayango, katanya yangay ban ku ngay taw nu gleleg, ay kanya tua ban fagayu tagagbilug at ngay nainlufuyan.

Esekyel 36:24

“ ‘Namul kban ayu siginan tibak talun ay namafoli kban ayu sa ay talun.

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”

Mateu 24:22

Dius ban nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

Ruma 11:28

Ngay taw Israel wa kaylat at Masine fag Barita, ay katanya Dius nafangayan anya fagayu te, at ngay fawayan. Ay am yud Udyu fag ngay taw anke buknga am gbul fakalangfean. Dewa katanya, nu saman baliwa Dius nu gfili, Dius kesug tua gugat ngay taw Israel aroro sat ngay mangaguyang.