Isayas 65:4 - Fanawbuid tagsibaliwas Fakayabian

⁴ Ay galay yabi kanya fagayu malunggung sa sangay fagfolian, ay sat masuksuk fag ngay buknga laman namakamatoan ngay labang. Ay kanya fagayu kon bumbu at yamas ay tiba yak yamas at natuyan te, masuya.

Isayas 65:4 ပူးပေါင်းရင်းမြစ်များ

Nu Galin 23:19

“Bubai sa ay Dius Yawi at bale ay ngay gutluan taguna. “Lag gfatama sik kambing riangan at fansabo nu at mina way at susu bilug.”

Nu Galin 34:26

“Bubai sa ay Dius Yawi at bale ay ngay gutluan taguna. “Lag gfatama sik kambing riangan nu at mina way at susu bilug at fansabo.”

Isayas 66:17

Yawi nalong te, “Gasfuan ban nu kabul ngay taw takamuag te, di e malong, ay tagfasine at ngay sadili siginan nu gseg at ngay fagsegan sat ngay fagtanuman. Kanya ban fagayu kabul gina kon bumbu at yamas, ay but, ay tiba yak mangilafang at natuyan te, masuya.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Esekyel 4:14

Sanya ginan, nalong au te, “Yawi, ku Fun, lag o gsugu angku te, fakamuluni takatanya. Nasaful wo, kwa batang gfasuya ku sadili, siginan nu masisian au dasug katsi. Kwa batang kon nusnga setaw fag fagbaugun at kinbul, ay tibak mangilafang at nafabul, ay kwa yangay batang kon nusnga setaw fag fagbaugun at yud masine ay am nafatuyan te, masuya.”

Sakaryas 9:7

Kanya fagayu wa masine ya kon yamas at ke taguk ay nusnga setaw fag fakonun ku nalong te, masuya. Ay at sawad ban fag ngay taw gtuyan au te, ku ngay taw, kata sik gaban kasugfunanan tagsiginans Uda. Ngay taw Ekrun umtap yangay te, Yawi at ngay taw, kata ngay taw Ebus.

Tap 19:11

“Nusnga sinu at nated at mabulan, tuyani anya te, mauri, kaduge fituk menit.

Mateu 8:28

Ay Isus andasug sas dife lino sa sangay taw Gerasa at talun. Ay sanya duak taw gfansaful ansure siginans fagfolian ngay kinbul ay gfablang Isus. Ay kafag duak taw maksvn nu gfangadotama. Ay we taw ya manandalan sanya.

Lukas 8:27

Ay gina Isus gduksun siginans sakayan lino, sik mangama gfablang anya. Kafag mangama ebi gbanwan sit furuan, ay ngayuk mauri fag falad antayuk sa anya. Glugo wan kanya nu yud gsulun lanbung, ay nu yud namanwan ya sat bale. Ay at fagbanwanan si ways fagfolian ngay kinbul.

Deuterunumyu 14:21

Lag am kon mangilafang at kinbul. Masine wayam gfon ay gfalao sa ay ngay betaw, ay gfon sa sangay taw tagsiginan tibak talun tagbanwan si ay furuan, ay kanya ro fagayu kon. Dewa katanya, am lag am kon, aroro ay Dius Yawi nafasaman ayu laman at ngay taw. Lag am gfatama riangan kambing at sabo at mina at susu bilug.

Deuterunumyu 14:3

Lag am kon at mauri fag ngay mangilafang.

Deuterunumyu 14:8

Lag yangay kon bumbu, aroro at u dewa mabaltakan, wa gdog gamsak at naon. Lag am kon kafag ngay fagbaugun at yamas ay lag gted at bilug at mabulan.

Deuterunumyu 18:11

lag am gfangufit, ay lag am gfakamatoan ngay falad.