Isayas 65:3 - Fanawbuid tagsibaliwas Fakayabian

³ Ku ngay taw nafadotama angku. Ay gfataglayun gfalag sa angku nu gseg at ngay fagsegan gina gfon at ngay fanggalangun si sangay tanuman, ay gina girug at ngay mabebanglu fag ngay lune sit ngay tungud bale.

Isayas 65:3 ပူးပေါင်းရင်းမြစ်များ

2 Fun 22:17

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

Ub 1:11

Ay agvd! Faskudi buli fagayu tagsi anya. O wa ro ankuri emu?”

Ub 2:5

Ay nu nafaurianan long ro wo at bilug, matuyan kanya ro lumong wan sa emu at mauri.”

Alubad. 78:40

Kanya fagayu gina sis talun at yud e taw, malayun nu gfae fakabaluun Dius siginan nu kamabo anya.

Alubad. 78:58

Kanya fagayu nawat ngay fagsegan sa sangay fagnansegan; siginan takatanya, nafauri Dius.

Isayas 1:29

Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 66:17

Yawi nalong te, “Gasfuan ban nu kabul ngay taw takamuag te, di e malong, ay tagfasine at ngay sadili siginan nu gseg at ngay fagsegan sat ngay fagtanuman. Kanya ban fagayu kabul gina kon bumbu at yamas, ay but, ay tiba yak mangilafang at natuyan te, masuya.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Deuterunumyu 32:21

Ay kanya fagayu gfasulupan angku sat yud matuyan fag fagsegan, ay nafadotama angku siginan nu gseg at yud e tungkul fag ngay fagsegan. Nu katanya, gfasulupan kyangay anya fagayu siginan nu gfon au ku ngay famonun sa tibak talun. Ay gfae fakauriun kyangay anya fagayu siginan nu gfon au ku ngay famonun sat yud e fagsafulun fag ngay talun at ngay taw.