Isayas 65:2 - Fanawbuid tagsibaliwas Fakayabian

² Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Isayas 65:2 ပူးပေါင်းရင်းမြစ်များ

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

Alubad. 36:4

Ay kanya dewa gtaygilidan, at ngay algan sa way gugat sfagmauriun. Ay at nafili fag ugali at yud way masine. Ay wa kaylat gubun fagmauriun.

Alubad. 36:5

Yawi, nu mafangesug o kadaul skiwang, ay am fagmatuyanun gdasug tua sas banwa.

Fangatulun 1:24

gina au guro, wam nafandungug ku ngay famalun ay ku ngay fansalag,

Fangatulun 16:29

Sik taw tagfangauri gfaylatan tibak taw laman gfakamulun yangay at mauri.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 55:8

Yawi nalong te, “Ku amatanganan gtungud tua ay amatanganan ay ku balyawvtan gtungud tua ay balyawvtan.

Isayas 63:10

Dewa katanya, kanya fagayu nafamabo ay nafabaluanan at Masine fag Falad. Nu katanya, Yawi andotama ay nafawayan anya fagayu.

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Isayas 66:4

Ay nustua, namadasug kban sa anya fagayu ku faurianan at maksvn, tagfae fakalimuun ban maksvn anya fagayu. Aroro ebi gina au guro ayu, wam nabalus angku, ay gina au garingang, wam nadungugan. Kanya fagayu nafakamulun at mauri si ku daga salubangan, ay nafakamulun ku fagyudun kaylat fag ngay fakamulun.”

Eremyas 18:12

Dewa katanya, ngay taw gbalus te, ‘Duan! Gfataglayun wami em ngay fakaylatun; gfaning wami em amatanganan takamaogatun.’ ”

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Eremyas 5:23

Dewa katanya, kanya fagayu kamaogatun ay kamabo, ay nalyam ay natalyuyan angku.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Tap 15:39

Ay at ngay famaringbing gfamatang fagayu ku ngay suguan sa ayu laman gfaning tuam fia ay bundi lang am fakaylatun fag fakamulun wayam fakamulun.

Mateu 15:19

Aroro tagsiginan sik taw at amatanganan kasure at mauri fag ngay algan, kata nu gfabul, ay nu gfanugtug, dewa sat ke indugan ay dewa sat yud batang e indugan, ay nu gfangkamul, ay nu kamuag, ay nu kamuagan gfatuyan sabaliwa at iba.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Lukas 13:34

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Ruma 10:21

Dewa katanya, katatuy way at longan sabaliwa ngay taw Israel te, “Fagngabak menit guro au sa sik takamabo ay sa sik takamaogatun fag furuan.”

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.

Deuterunumyu 31:27

Aroro saful kwan, nu se aksvn nu kamabo am, ay nu se mogat ay ngay amatanganan. Dewa katsi gina au magamut ayu, gtalyuyan am Yawi, kaugat waban nu nbul kwan!

Deuterunumyu 9:7

Amatangani nu setain nu kauri am ay Dius Yawi gina am sis talun at yud e gbanwan. Siginan nu gduksun am fag menit siginans talun Igiptu dasug katsi, kamabo wayam gugat Yawi.