Isayas 64:9 - Fanawbuid tagsibaliwas Fakayabian

⁹ Yawi, lag yap gfaksvn nu kadotama o emi, ay lag gamatangan o em ngay asalanan kabavn ban. Gfainfanyuan ami sa emu te, dungugi tua emi, aroro ami wan am ngay taw.

Isayas 64:9 ပူးပေါင်းရင်းမြစ်များ

2 Fun 25:9

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Alubad. 119:94

O wan tagagbilug angku, nu katanya falangfei angku. Aroro kabavn gugatan au gfaning am ngay fagaloan.

Alubad. 38:1

Yawi, lag yap gfaurianan angku siginan am dotama.

Alubad. 6:1

Yawi, dewa o andotama angku, lag yap gfaksvn nu gfaurianan o angku.

Alubad. 79:13

Gina ban o nabalus emi, am nafili fag ngay taw, kata ngay tupa sim fagnamafangonan, gfauseganan ban mi gugat emu, ay anggan ban sat fadogan em ngay kasugfunanan dumungug yangay sabaliwa emu.

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Isayas 60:10

Yawi nalong sas Erusalem te, “Tagsiginan ban tibak talun at ngay taw nangawat am ngay alad, ay at ngay fun ban namakamulun sa emu. Dewa au nafaurianan emu aroro sa ku dotama, kafanyu au emu aroro matuyan ktua.

Isayas 63:18

Ay sik kadugayun, am ngay taw oma tagagbilug am Bale, ay katsi, em ngay fawayan narasras wan.

Isayas 63:19

Siginan ebi o wan tagagbilug emi, ay dewa katanya natuyan o emi te, bunwa am fagagbilugun, ay kata way nu yud o gfangguna emi.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Eremyas 10:24

Yawi, foyungi emi tagalvngvdan si em nafakamulun, ay lag o gfaurianan emi siginan am dotama, aroro mankamin ami.

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Eremyas 44:21

“O nu glong am, Yawi wa nasaful te, am ay anggan ay ngay mangaguyang, ay ay ngay fun, ay ay ngay tagfangguna, ay fagayu am, girug am ngay famaebebanglu fag fanggalangun laman sa sangay fagsegan sis Uda fag ngay furuan ay sis Erusalem fag ngay dalan?

Takabalu 2:7

Fun Dius narasras yangay at fagirugan fanggalangun ay anggan at Bale. Ay kanya nafarasras sat ngay fawayan at ngay dingding, ay kafag ngay fawayan naudguroan sis Yawi at bale kata nu e fagmafulun.

Takabalu 5:18

Aroro nafabayan wan Erusalem, ay idu talun way lang tagbanwan sanya.

Takabalu 5:20

Wain am fagyudun gamatang ya emi? Wain faglugoun nu gfabayan o emi?

Takabalu 5:22

nu ddi o gaiyan emi kabavn, ay kadotama o emi maksvn.

Esekyel 29:16

Ngay taw Israel ban at fagsegun bunwa sa anya ya. At kinfasludan tagfamatang Israel sat asalanan nu nanget gubuk sas talun Igiptu. Ay ngay taw Israel ban sumaful te, au Yawi.’ ”

Lebitiku 26:31

Nanrasras kban ay ngay furuan ay ay ngay fagnansegan. Ay kwa ban kaylat ya ay fanggalangun at anus at mabebanglu.

Abakuk 3:2

“Yawi, nadungug au sabaliwa am ngay nafakamulun, ay andulo au maksvn. Fakamuluni yangay sa emi kata ebi am nafakamulun. Ay gina ban o gfalag am dotama, afanyui tua emi.

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

2 Pedru 2:17

Kanya fag ngay taw kata way at malanggangan fag bulbug, ay kata linyabu nu nauyupan fulug. Dius nafalganan wan sik fagmadulumun laman sa kafag ngay taw.

At Nafasure 20:10

Ay Satanas, at nadaya kafag ngay taw, e gukas ban anya sas afuy daul ay asupri, sat fagukasan tagfangagat fag mela ay takamuagan fag taglong. Ay kanya ban fagayu magamut gafaurianan fagayu menit ay fagayu yabi ay kabavn ban.