Isayas 64:5 - Fanawbuid tagsibaliwas Fakayabian

⁵ Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Isayas 64:5 ပူးပေါင်းရင်းမြစ်များ

Alubad. 103:17

Dewa katanya, di e fakatabuan Yawi nu kesug ngay taw tagsuyu ay tagfaning at nasadian, ay tagamatangan tua gugat at ngay suguan. Ay gfataglayun yangay ban at fagmatuyanun anggan sa kafag ngay taw at ngay kasugfunanan.

Alubad. 112:1

Segi Yawi! Mauseganan sik taw tagsuyu tua Yawi, ay taguseganan gfaning at ngay suguan.

Alubad. 25:10

Fagayu am nafakamulun gfalag te, mafangesug ay matuyan o sas fagayu tagfaning am ngay suguan.

Alubad. 37:4

Useganani sas Yawi, ay kanya gfon emu am fakaylatun.

Nu Galin 20:24

“Nangawat am sik fagirugan fanggalangun mawatan siginans lutuk laman sa angku, ay stie ban nu nangirug am ay ngay fanggalangun fag ngay tupa, kambing ay ay ngay baka laman ay fagirugun fag fanggalangun, ay fanggalangun laman sas fagmanabayanun. Namakamulun am tuy sa ku nafili fag buknga ay fagnansegan sa angku, ay nanlag au ayu sanya, ay namon au sa ayu nusnge wain.

Nu Galin 25:22

Ay nangalagan au emu sas buknga kafag duak awatan tagsis tungud fagsuadan, ay namon au sa emu fagayu suguan laman sa sangay taw Israel.

Nu Galin 30:6

Folii sas day Fagsuadan Nasadian at famalabag fag ramit. Sanya ban nu nangablangan ta.

Isayas 1:30

Umkata ban am sik fun kayu takarabas at ngay don, ay kata sik tanuman at kin-gong wan.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 26:13

Yawi em Dius, tibak dius gfagtainan yay emi, ay dewa katanya, o way lang em fagnansegan.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 63:10

Dewa katanya, kanya fagayu nafamabo ay nafabaluanan at Masine fag Falad. Nu katanya, Yawi andotama ay nafawayan anya fagayu.

Isayas 63:7

Namoyung au sabaliwas Yawi at fakesugun. Gfauseganan au anya sas fagayu at nafakamulun sa antam. Ngayu at nafakamulun sa antam fag ngay taw Israel, aroro maksvn nu kafanyu ay nu kesug antam.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Sakaryas 3:3

Uswe kaduge malindug sis tagbarita at salubangan, masuya way at lanbung.

Malakyas 3:6

“Au Yawi at yud gbadbalian. Ay katanya am fag ngay taw, Akub at kasugfunanan, ay fagyudun namin.

Fakamulun 10:35

Dius kaylat dewa ndaginan fag talun at taw nu gsuyu tua anya ay gfakamulun at matuyan.

Ebreu 4:16

Nu katanya, lag tam gaduanun nangakbang sas Dius at mafangafanyu at daga salubangan, laman mul tam at fakafanyun ay at fagmagalangun taggubuk antam gina tam gayudan.