Isayas 64:4 - Fanawbuid tagsibaliwas Fakayabian

⁴ Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Isayas 64:4 ပူးပေါင်းရင်းမြစ်များ

Fakasigadan 49:18

Sanya ginan, Akub nalong te, “Yawi, gfanya au nu gfalangfe o.”

Esra 9:7

Gfasigad siginan em ngay mangaguyang dasug katsi, maksvn em ngay asalanan. Ay aroro gasalanan way mi anggan em ngay fun anggan tagfon fanggalangun, nagbilugan ami tibak talun at fun. Kanya fagayu nafabul tiba si emi, ay tiba natabanan, ay tiba nabulan at ramraman ay nafaplan, kata at kinfasludan sa emi katsi.

Alubad. 130:5

Yawi, gfanya au emu sas fagdaul ku amatanganan, ay ku fagsegun siginan way lang am longan.

Alubad. 31:19

Kasakan tua am nafalganan fag ngay fagmasineun sas fagayu taw tagsuyu emu, ay sas fagdaul daga at ngay taw nalag.

Alubad. 62:1

Dius way lang ku tagfalangfe, nu katanya maragangan au gfanya anya.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 40:31

ay dewa katanya, fagayu tagafanud sas Yawi gdog yay fia umke fagmabitsugun. Kanya fagayu glayug tua kata sik bio. Dewa gtarung, wa kalufuy, ay dewa glao, wa kamomuy.

Isayas 59:12

Aroro maksvn wan tam asalanan sis Dius at daga salubangan, ay kanya wan fag ngay asalanan fagsafulan te, gafaurianan tam. Anud! Saful oma tam te, gfakamulun way tam at mauri.

Isayas 66:8

Sinu at batang gdungug ay glag takatanya? O sik talun masakit nu kasik talun? Dewa katanya, Erusalem ban nu nke fagidapun, at ngay taw kasalug wan.

Daniel 9:15

“Em Fun Dius, nafalag o am fagmabalyananun gina o gfalfas am ngay taw siginans talun Igiptu. Nu katanya, dasug katsi kadungug tuo gugat. Gafanud ami te, nasalan ami ay nafakamulun ami at mauri.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Daniel 9:8

Yawi, maksvn nu kapla ami, anggan em ngay fun, em ngay tagfangguna, ay em ngay mangaguyang aroro anke asalanan ami sa emu.

Usea 7:7

Kanya fagayu nu kauri maksvn tua, at kaksvnan kata sik faygangan daul afuy ay gbia nu gigang. Nu katanya, kanya fagayu nafabul wan at ngay tagfangguna. Anggan at ngay fun anbul wan aroro nusdi sadi we naet gubuk sa angku.

Sakaryas 10:9

Ay dewa au nafarapyagan anya fagayu sa tibak talun, kanya fagayu gamatang tua gugat angku, ay kanya ban fagayu anggan at ngay sisian gleleg tua ban, ay kafoli sat talun.

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Uan 14:3

Ay fagayu ban nu nfalganan wan, kafoli kban ay nantaban ayu, laman nu inda kwan, sanya yangay am.

Ruma 8:19

Fagayu at awatan maksvn nu gfanya Dius nu gfasure at ngay sisian.

1 Kurintu 1:7

Nu katanya, diam e kurang fagayu at Masine fag Falad at nafon, kaduge am gfanya tam Fun Isus nu kafoli.

1 Tesalunika 1:10

ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Ebreu 11:16

Ay kanya fag ngay taw at fakaylatun sik fagbanwanan at masine, tagtungud tagste swa daga fag fagbanwanan, at masuad te, tagsi tuas banwa fag fagbanwanan. Nu katanya, Dius wa kapla kafag ngay taw nu gtuyan anya te, at Dius, aroro kanya nafalganan wan sik furuan daul laman sanya fag ngay taw.

Santiagu 5:7

Ku ngay faduksay, nu katanya, agwantai tua yakmay tam Fun andasug. Amatangani te, sik tagtanum gfanya at tanum nu grawvg, ay kanya gfanya taguna ay taguyan fag arak.

1 Uan 4:10

Bunwa itam taguna at nesug tam Dius, nu bunway Dius tua at nesug antam, siginan nu gsugu at baguama laman at fanggalangun famalyam tam asalanan.