Isayas 64:3 - Fanawbuid tagsibaliwas Fakayabian

³ Ebi gina o andaga ay nawat fagayu nusnga setaw at madulo em fagyudun saful, ngay fungsu nauigan sim daga salubangan.

Isayas 64:3 ပူးပေါင်းရင်းမြစ်များ

2 Samwel 7:23

Ay wa yangay e gfasud am ngay taw Israel. Sas fagdaul daga kanya way lang fag ngay taw am nafalfas siginan nu gafagsuguanan, laman am ngay taw. Ay nafakamulun o at mabalyanan ay at maksvn nu madulo, ay siginan nu ggubuk o am ngay taw laman gaiyan tibak gaban taw, gina o gfalangfe anya fagayu siginans Igiptu.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Alubad. 66:5

Wainyayam, damai Dius at ngay nafakamulun at madulo laman sa sangay taw.

Alubad. 68:8

Daga nauigan ay narak sis Buksul Sinay sim daga salubangan: Ay Israel at Dius ansure sanya.

Alubad. 76:12

Dius gfaragang ngay tagfangguna nu kamatungudun. Nu katanya, ngay fun sas fagdaul daga kalimu anya.

Nu Galin 34:10

Yawi nalong te, “Kawat kban sik nasadian sa ayu. Sis salubangan am ngay kaiban, gfasure kban sik ngay madulo nusnga setaw ku nayud nafasure sas nusnga sinu fag ngay gaban taw sas fagdaul daga. Ay tagsi ay ligung fag ngay taw lumag ban ku ngay fagnamakamulunun siginan emu.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 64:1

Yawi, luangi banwa, ay adagai wan, ay fagayu buksul muigan sa am daga salubangan.

Abakuk 3:3

O wan at yud e malong fag Dius takadasug siginans Teman ay buksul Paran. Am fagmasuloun anfagdaul banwa, nu katanya, fagayu taw sas fagdaul daga, sumeg emu.

Abakuk 3:6

Ay nu nlindug o, fagdaul daga guigan, ay nu nadama o, ngay talun gtadtaruyan kalimu, ay taguna fag ngay buksul kabaras. Ay am ngay balyawvtan di gbadbalian kabavn.

Deuterunumyu 10:21

Segi anya, aroro kanya wan at nafakamulun sa ayu at maksvn ay at madulo nusnge wain ay nalag.

Deuterunumyu 4:34

O nunda e tibak dius at nafaskud gbul sik gaban taw siginan sik talun laman at ngay taw, siginan ngay famaskud, ay at madulo fag ngay fakamulun, ngay awayan ay at mabalyanan fag ngay fakamulun? Dewa katanya, ay Dius Yawi nafakamulun takatanya sis talun Igiptu, ay am wan at nalag takatanya.