Isayas 64:2 - Fanawbuid tagsibaliwas Fakayabian

² Afuy nu mafairug way at magong fag ngay sanga ay nu mafauluk way mamam, katanya yangay ban nu kadasug o. Am ngay fawayan ban fag ngay talun at ngay taw gtadtaruyan, ay kanya ban fagayu sumaful te, sinu o.

Isayas 64:2 ပူးပေါင်းရင်းမြစ်များ

Alubad. 106:8

Dewa katanya, kanya nafalangfe tua anya fagayu, laman gfauseganan anya, ay gfalag at fagmabalyananun.

Alubad. 46:10

Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”

Alubad. 79:10

Wain am fagnaylatun tibak talun nu glong sa emi te, “Dada wan ay Dius?” Kaduge ami gdama, fasudi sa kafag ngay talun at ngay taw, aroro kanya fagayu nafabul am ngay fagsuguan.

Alubad. 83:13

Ku Dius, fasaruayani anya fagayu kata ngay lukbu ay kata tagmara nu gfalayug upa.

Alubad. 9:20

Yawi, fabanwani si anya fakalimuun, laman kanya fagayu sumaful at sadili te, sik ngay taw way.

Alubad. 99:1

Tam Fun Yawi malunggung sit bale, sis buknga duak awatan at ke fakfak. Nu katanya, ngay taw maksvn nu kalimu, ay fagdaul daga guigan.

Nu Galin 14:4

Ay gdog au namaogat Igiptu at fun at amatanganan, ay kanya ban namafalo ayu. Dewa katanya, gfabul kban anya ay at ngay tagfawayan, ay siginan ban takatanya, ku ngayan ban kadungug, ay ngay taw Igiptu sumaful te, au wan Yawi.” Ay ngay taw Israel nafaning Yawi at longan.

Isayas 28:21

At matuyan, Yawi namawayan wa fia ayu kata ebi at nafakamulun sas buksul Perasim ay sas datag Gibyun. Namakamulun waban fia at madulo fag fakamulun.

Isayas 37:20

Nu katanya, Yawi em Dius, falangfei emi siginan Asirya at daluap, laman fagdaul daga at ngay taw sumaful te, o way lang Dius.”

Isayas 63:12

Dada wan Yawi, at nafon sas Muisis at fagmabalyananun laman gfawabilug dagat si tam salubangan, laman kanya kadungug kabavn?

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 5:22

Yawi glong te, “O nunda wam kalimu ya angku? Wain ay fagyudun gtadtaruyan si ku daga salubangan? Au wan at nawat ngay lagnas laman fatuan dagat, laman mamam wa masakfo. Ngay lugwak gdalusung lagnas sis tigyangan dagat, dewa katanya, wa masakfo.

Amus 4:12

Nu katanya, ngay taw Israel, gdog kyay namaurianan ayu takatanya yay fia fag ngay faurianan. Aroro namakamulun kban katanya, falganani ay sadili nu nansalubang am sa angku ay Dius.”

Mikas 1:4

Ay at fagnanloan ban fag ngay buksul umtinas kata sik ngay lune at mafasalungan. Ay at fagnanloan ban fag ngay datag umke karang kata mamam nu nabuntuk siginan tangabat fag afud daga.

Sakaryas 14:4

Ginanya ban fag menit, kanya nanmalindug sas Buksul Ulibu, sas Erusalem at fakamenitan baliwa. Kafag buksul umkafud dua siginans fakamenitan sitsigons fakayabian. At taguna fag afud umdugdug sabaliwas fawalan fag alvngvdan ay at faduak afud umdugdug sas fasiunan fag alvngvdan. Ay sit wabilug umke datag daul.

Deuterunumyu 2:25

Siginan katsi fag menit, gfon au sas fagayu talun sas fagdaul daga sik fakalimuun sa ayu. Fagayu at nadungug sabaliwa ayu gtadtaruyan kalimu.”