Isayas 64:1 - Fanawbuid tagsibaliwas Fakayabian

¹ Yawi, luangi banwa, ay adagai wan, ay fagayu buksul muigan sa am daga salubangan.

Isayas 64:1 ပူးပေါင်းရင်းမြစ်များ

Alubad. 46:6

Ay siginan Dius at uro, fagayu talun at ngay taw galakayan, ay at ngay fagfagtainanan kaiklas, ay fagayu taw sas fagdaul daga gtadtaruy kalimu.

Alubad. 68:8

Daga nauigan ay narak sis Buksul Sinay sim daga salubangan: Ay Israel at Dius ansure sanya.

Alubad. 79:10

Wain am fagnaylatun tibak talun nu glong sa emi te, “Dada wan ay Dius?” Kaduge ami gdama, fasudi sa kafag ngay talun at ngay taw, aroro kanya fagayu nafabul am ngay fagsuguan.

Nu Galin 19:11

Tuyani fia te, sis fatuluk menit kanya fagayu mafalganan wan, aroro ginanya ban fag menit, au Yawi, kadaga au sas Buksul Sinay, ay ngay taw glag fia angku.

Nu Galin 3:8

Nu katanya, nastie au sdaga laman namalangfe anya fagayu siginans talun Igiptu, ay nantaban au sat masine ay tagbia ay at maramraman fag talun; sa sangay taw Kanaan, taw Ket, taw Amur, taw Peres, taw Kib, ay taw Ebus at ngay fagbanwanan.

Isayas 41:15

Damai! Namakata au emu sik bagu fag fanruyus ke ngay bagang at maglat. Ay nanrufa o ngay buksul ay ngay fungsu kata nu gruyus, ay namakata o sik ngay upa.

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Isayas 63:19

Siginan ebi o wan tagagbilug emi, ay dewa katanya natuyan o emi te, bunwa am fagagbilugun, ay kata way nu yud o gfangguna emi.

Amus 9:13

Yawi nalong sa sangay taw Israel te, “Umdasug ban at buknga ngayu ban takagutlu, ay gina ban ggutlu, gdog wa gfalganan fagtanuman. Ay gina ban gturis ubas at rawvg, gdog wa gtanum. Ay nu kabanawan sa sangay buksul, ngayu ubas at rawvg, ay kafag ngay rawvg at mamam kata nu gfamilugan.

Amus 9:5

Ay daga guigan, tam Fun, Yawi at Mabalyanan nu nated, ay fagayu tagbanwan sanya gwayway. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Sakaryas 14:4

Ginanya ban fag menit, kanya nanmalindug sas Buksul Ulibu, sas Erusalem at fakamenitan baliwa. Kafag buksul umkafud dua siginans fakamenitan sitsigons fakayabian. At taguna fag afud umdugdug sabaliwas fawalan fag alvngvdan ay at faduak afud umdugdug sas fasiunan fag alvngvdan. Ay sit wabilug umke datag daul.

Markus 1:10

Ay Isus nu nlakwi wan siginan sad lino, manlag di banwa anluang, ay at Masine fag Falad kadaga kata sik labikung ay naafun sa anya.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.