Isayas 63:3 - Fanawbuid tagsibaliwas Fakayabian

³ Yawi nabalus te, “Aroro andotama au maksvn naturis kwan ngay talun at taw kata sik rawvg ubas. Sesadi kway at naturis. Nu katanya, ku lanbung natagukun.

Isayas 63:3 ပူးပေါင်းရင်းမြစ်များ

Fakasigadan 49:11

Ay maramraman ban am daga. Dewa o nasiuk am asnu muankabang sim tanuman wat ubas, wa mafamin ya aroro at kayuan. Ay wa ban kamin am fanlangu dewa ban kanya wan am famegus am lanbung.

2 Fun 9:33

Yeu nalong sanya fagayu te, “Fatongi anya!” Ay kanya fagayu nafatong Esebel. Ay ngay kabayu nasiad anya, ay at taguk naramsig sas alad ay sa sangay kabayu.

Alubad. 60:12

Dius, aroro ggubuk tuo gugat emi, kabavn ban gbabo tuami em ngay fawayan, ay gsiad o anya fagayu.

Isayas 22:5

Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 28:3

Kanya ban nansiad Samarya, kafag sangbo barugwak, ngay tagalangu fag ngay taw Israel at fakamanagsagun.

Isayas 59:17

Kanya nafakamulun at matuyan tuga at famalabag sit dubdub, ay nasulun yangay fakalangfeun tuga at famalabag sit alfuyu. Ay kanya gsulun tuga at lanbung laman famasud ay at maksvn fag dotama.

Isayas 63:6

Ay aroro kadotama au, nasiad kwan ngay talun at taw, ay nafaranranugan au anya fagayu kata sik ngay tagalangu. Ay naugwag kwan sas daga at ngay taguk.”

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Uel 3:13

Kanya fagayu kata sik faggutluun at masine kagutlu, ay mannga kata sik ubas at rawvg at masine gturis, aroro ankapnu wan sa sangay fagturisan. Kanya fagayu maksvn nu mauri; at ngay asalanan kata sik naturis fag rawvg ubas tagsawe wan sit ngay fagsuadan.”

Mikas 7:10

Ay tam ngay fawayan ban nu nalag takatanya, umkapla. Aroro ebi kanya fagayu nafalingun antam, glong te, ‘Dada wan ay Dius Yawi?’ Ay kadasug ban sik buknga, lumag tam kanya fagayu nu gafaurianan. Ay kanya ban fagayu umkata ngay lifak sa sangaba dalan ngay taw at fagsiadun.”

Sakaryas 10:5

Kanya fagayu gadgaloan kata ngay tagfawayan at mabitsug tagbabo at ngay fawayan ay gsiad kata lifak si sangaba dalan. Kanya fagayu makatu gfawayan aroro galo au anya, ay namabo ngay tagakabayuan.

Malakyas 4:3

Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.