Isayas 61:9 - Fanawbuid tagsibaliwas Fakayabian

⁹ Ay at ngay kasugfunanan ban umsik takadungug sas fagayu talun. Ay fagayu ban at lumag glong te, au, Yawi, at nafakamulun at masine sa ku ngay taw.”

Isayas 61:9 ပူးပေါင်းရင်းမြစ်များ

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

Fakasigadan 30:27

Ay Laban nabalus te, “Nu masine, toyap. Ay aroro siginan nu nanamainsaful au, Yawi nafamanyun angku aroro siginan emu.

Alubad. 115:14

Yawi ban nangus gfayu ayu, anggan ay ngay kasugfunanan.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 65:23

Kanya ban fagayu wa gfakamulun at yud e tungkul, ay at ngay sisian ban di gdalan sat maksvn fag fagidapun. Aroro Yawi nafaramraman anya fagayu, anggan at ngay kasugfunanan.

Isayas 66:22

“Nu setain at bagu fag banwa ay fag daga ku fagnangawatun ban nu yud e fakatabuan, am ngay kasugfunanan ban wa yangay e fakatabuan, ay gamatang ktua ban gugat ayu kabavn.

Eremyas 31:7

Yawi glong te, “Alubadi ay uroi laman sas Akub at ngay kasugfunanan, aroro kanya wan tiba tungud fag gaban taw. Useganani ay uroi te, ‘Yawi, falangfei am ngay taw, at kinsawad tagleleg sis Israel.’ ”

Sakaryas 8:13

Ngay taw Uda ay Erusalem, tibak talun at taw nafaurianan ayu, dewa katanya, namalangfe au ayu, ay siginan ban ayu kanya ban fagayu tumoglag angku. Nu katanya, lag am kalimu, ay fabitsugi ay amatanganan.”

Malakyas 3:12

Ay ginanya ban, fagayu talun at taw gfangayan ayu te, at manabayan fag talun, aroro ay ngay furuan at masine fag fagbanwanan. Au, Yawi at Mabalyanan, taglong tuy.”

Tap 22:12

Dewa katanya, Dius nalong sas Balaam te, “Lag galo anya fagayu. Lag gfoyung at mauri laman sa sangay taw Israel, aroro nafadante kwan anya fagayu.”

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”