Isayas 61:8 - Fanawbuid tagsibaliwas Fakayabian

⁸ “Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Isayas 61:8 ပူးပေါင်းရင်းမြစ်များ

Fakasigadan 17:7

Ay gfafasludan kban ku nasadian sa emu ay sa am ngay kasugfunanan te, au tua ban gugat at Dius. Ay gfataglayun kban ku nasadian kabavn.

2 Samwel 23:5

Katanya ku ngay kasugfunanan sis Dius at daga salubangan, aroro kanya nawat sik nasadian at yud ban e fakatabuan laman sa angku. Masine ay matuyan at nawat fag nasadian ay wa ban e manantubus ya. Nu katanya, gtuyan au te, Dius namalangfe tua ban angku. Ay kanya gfon sa angku fagayu ku fakaylatun.

Alubad. 105:10

Ay nafatuyan yangay sas Akub, ay anggan sat ngay kasugfunanan te, at nasadian ban gfataglayun tua kabavn.

Alubad. 11:7

Yawi matuyan tua. Kanya kesug tua ngay taw tagfakamulun at matuyan. Ay fagayu tagugali takatatuy manangalo tua ban anya.

Alubad. 32:8

Yawi nalong sa angku te, “Gfoyung au sa emu at masine fag dalan am fagnanloan, ay gfalu kban emu gina au gulit emu.

Alubad. 33:5

Yawi at fakaylatun at matuyan tua ay kanya tagsaful gfawabilugan. Ay kanya nu mafangesug kalag sas fagdaul daga.

Alubad. 37:28

Yawi kaylat fagmatuyanun, ay di gfabayan ngay taw at matuyan sa anya. Dewa katanya, at mauri fag ngay taw at sugfun umkalyam wan.

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Alubad. 50:5

Ay kanya glong te, “Fafuli stie sa ku daga salubangan ku ngay taw at kinsadi sa angku siginan nu gfon fanggalangun.”

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Fangatulun 3:6

Amatangi tua Yawi sas fagayu am fakamulun, ay kanya gfoyung emu sat matuyan fag dalan.

Fangatulun 8:20

Glao au sat matuyan ay sat mafanud fag dalan.

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 5:16

Dewa katanya, e sumeg Yawi at Mabalyanan aroro kanya matuyan nu gwabilug, ay namalag te, kanya at yud e malong fag Dius aroro siginan at ngay fakamulun at matuyan.

Isayas 54:10

Ngay buksul ban ay ngay fungsu dewa anbaras wan, nu kesug kban emu di kabali, ay di ban e fakatabuan ku fatuyanan sa emu te, gfae fagmanabayanun kban emu. Au wan Yawi taglong tuy.

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 66:22

“Nu setain at bagu fag banwa ay fag daga ku fagnangawatun ban nu yud e fakatabuan, am ngay kasugfunanan ban wa yangay e fakatabuan, ay gamatang ktua ban gugat ayu kabavn.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Esekyel 16:60

Dewa katanya, namafasludan kyay ban ku nasadian sa emu ebi gina o mabaguina, ay nangawat au ta nasadian at yud ban e fakatabuan.

Esekyel 34:25

“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.

Malakyas 1:13

Ay glong yangay am te, ‘Kalufuy wami gfon fanggalangun.’ Ay fagayu am gfauri am ku fagirugan. Ay fanggalangun fag ngay fagbaugun ay nafangkamul way, ay tagalbi ay at ke fakasaitun. O nu glong ro am kaylat au takatanya?

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

2 Tesalunika 3:5

Tam Fun tagfamatangan ayu laman ay ugali kata tua Dius nu kesug, ay kata tam Fun Isus nu mabakvd.