Isayas 61:7 - Fanawbuid tagsibaliwas Fakayabian

⁷ Abat ngate ban am gafalingunan, ay gutluan ban duak kayu ay fagsegun, nu katanya, maksvn ban nu guseganan am. Ay kabavn ban manabayan tua nu gbanwan am.

Isayas 61:7 ပူးပေါင်းရင်းမြစ်များ

2 Fun 2:9

Ay nu ndife wan, Elyas nalong sas Elisyu te, “Nu e gbul wa ro angku siginan emu, longi sa angku am fakaylatun ku fakamulun sa emu.” Elisyu nabalus te, “Kaylat au nu gfalin o sa angku duak kaksvn am fagmabalyananun.”

Ub 42:10

Ay Ub nu nadarangin wan at ngay fagadgalangan, Yawi gdog yay nafaramraman Ub duak kayu ebi at ramraman.

Alubad. 126:5

Ngay taw dewa gidapan gina gtanum, gina ban ggutlu, galubad tua guseganan.

Alubad. 16:11

Nafoyung o sa angku dalan tagsas leleg at yud e fakatabuan, ay gfon tuo angku fagusegananun sim daga salubangan, ay fagmabayanun at yud e fakatabuan.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 51:11

Am nafalangfe fag ngay taw umfoli sas Siun, ay galubadan guseganan yud e fakatabuan. Umkalyam wan at fakabaluun, ay guseganan tua ban maksvn.

Isayas 54:4

Lag o kalimu aroro wo gafaplan. Ay wo gamatang ya am fakaplaun gina o sik fagbubayun at mabaguina.

Isayas 60:15

Dewa nafamabo ay nafauri emu, ay wa nafae masuad, namasik takadungug kban emu kabavn ay fagayu ban kasugfunanan guseganan.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Sefanias 3:19

Ginanya ban fag menit, gfaurianan kban fagayu tagfaidapan ayu. Kata am tagalbi ay at nasaruayan fag ngay tupa, dewa katanya, namalangfe au ay namaful ayu. Ay ebi, nafaplan am, dewa katanya, namauseganan au ayu, ay namasik takadungug sas fagdaul daga.

Sakaryas 8:12

Manabayan tua ban nu gfananumun am, ay grawvg tua ban ay ngay wat ubas, ay ngayu tua ban ay gutluan ay e damug tua ban siginans kiwang. Namon kban takatanya sa ayu, am at kinsawad, laman ay fagagbilugun.

Sakaryas 9:12

Am fag ngay natabanan at ke fagsegun yay kalfas, afolii wan sa ay ngay talun nu inda yud e gfauri ayu. Katsi glong au ayu te, nusnga seyu at nalyam si ayu, namafoli au duak kayu kanya.

Mateu 25:46

“Ay kafag ngay taw umdasug ban sas faurianan at yud e fakatabuan, ay at matuyan fag ngay taw umdasug tua ban sas leleg at yud e fakatabuan.”

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Deuterunumyu 21:17

Masine kanya fag mangama nu gtuyan fia te, kanya tua taguna at baguama, dewa yud at fakesugun fag mangena at baguama. Foni sanya fag baguama at afud fag ramraman duak kayu sa tiba at sisian at afud ramraman, aroro kanya tua taguna at baguama. Nu katanya, kanya e fagmabalyananun gbul at afud fag ramraman laman sa sik kaka.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,