Isayas 61:6 - Fanawbuid tagsibaliwas Fakayabian

⁶ Gfangayan ban ayu te, Yawi at ngay tagfon fanggalangun ay tam Dius at ngay fagsuguan. Gagbilug ban am tibak talun at ramraman, ay guseganan ban am.

Isayas 61:6 ပူးပေါင်းရင်းမြစ်များ

Nu Galin 19:6

ay am wan ku nafili fag ngay taw, ay umkata ban am sik fagfagtainanan tagfon fanggalangun ay sik gaban taw at mafasamanan sa angku.’ Nanlong o tuy sa sangay taw Israel.”

Isayas 23:18

Ay sa ban taguyan, at nafabul fag ngay salapi wa ban namungsu. Kanya ban fagayu sik famonun sas Yawi laman famul ngayuk fakonun ay at masine fag ngay lanbung ay namon sa sangay taw tagfakamulun sas Yawi.

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 56:6

Namae fagusegananun kyangay ban tibak talun at ngay taw at nafatigwanan sa angku at ngay sadili laman namakamulun sa angku, ay laman kesug angku, ay laman ku ngay fagsuguan, ay laman gfaning ku ngay suguan sabaliwas Famiangalay fag Menit, ay at namafasludan ku nasadian.

Isayas 66:12

Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Isayas 66:21

Ay tiba ban gfili au laman sik ngay tagfon fanggalangun ay taggubuk ngay tagfon fanggalangun. Au, Yawi, taglong tuy.

Eremyas 33:18

Ay e ngay tagfon fanggalangun tua ban gugat tagsiginans Lebi at kasugfunanan at namakamulun laman sa angku, ay at namon ngay fagirugun fag ngay fanggalangun, ay gutluan fag fanggalangun, ay tiba yak fanggalangun.”

Esekyel 14:11

Namakamulun kban takatanya, laman ban ngay taw Israel wa kayayu siginan angku, ay wa gfauri ya at ngay mesa sadili siginan nu gasalanan. Nu katanya tua, kanya fagayu ku ngay taw, ay au ban at Dius. Au, Fun Dius Yawi taglong tuy.’ ”

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

1 Kurintu 3:5

Sinu nunda Apulus? Ay sinu au, Pablu? Ami, Dius waymi at fagsuguan, ay siginan emi nafanud am sa tam Fun Isus. Ay mesa ami gfakamulun tam Fun at nafatigwanan sa emi fag fakamulun.

1 Kurintu 4:1

Masine nu gamatangan am te, ami, Isus waymi at fagsuguan, ay sik fagfatigwanan laman gfoyung Dius at ngay longan at masuksukan.

2 Kurintu. 11:23

O kanya fagayu tam Fun Isus at ngay fagsuguan? Au amatuyan kyap tua kanya fag ngay taw nu sik fagsuguan au. Nalong au takatanya kata sik tagfansaful, aroro nu gfakamulun au gtungud tua kanya fag ngay taw nu gfakamulun. Ngayu ginan au kaubung, ay kwa mafatap ya te, kayu ginan nya nu gafalangan au. Ay ngayu ginan au gsalubang sas fakabulun.

2 Kurintu. 6:4

Nu bunway sas fagayu em balyawvtan gfalag ami sas fagayu taw te, ami wan Dius at ngay fagsuguan. Ay gagwantan ami at maksvn fag ngay fagidapun, ay fakabulun, ay at masakit fag ngay fagayudanun.

Deuterunumyu 18:2

Kanya fagayu we afud daga, wa kata at kaiban fag ngay taw Israel. Ay kanya fagayu at afud Yawi wan kata at fatuyanan sa anya fagayu.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

At Nafasure 1:6

Kanya nafili antam laman sik ngay fun ay sik ngay tagfon fanggalangun laman namakamulun sat Mama, Dius. Si wa anya fagmasineun ay fagmabalyananun kabavn ban. Anud.

At Nafasure 20:6

Mauseganan ay masine ngay taw at naguna nadog naleleg. Ay faduak fakabulun we fagmabalyananun ya sanya fag ngay taw, nu bunway kanya ban fag ngay taw Dius ay tam Fun Isus at ngay tagfon fanggalangun, ay gfasfuan anya gfagtainan kaduge sadik libuk banwa.

At Nafasure 5:10

Nafili o anya fagayu laman sik ngay fagtainan ay sik ngay tagfon fanggalangun laman gfaning tam Dius. Ay kafag ngay taw gfunan sas fagdaul daga.”