Isayas 61:2 - Fanawbuid tagsibaliwas Fakayabian

^2-3 Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Isayas 61:2 ပူးပေါင်းရင်းမြစ်များ

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Isayas 13:6

Fagayu am waywayi, aroro munakbang wan Yawi at menit, Dius at Mabalyanan nu namaurianan.

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Isayas 34:2

Aroro Yawi kadotama fagayu talun at ngay taw, kanya kadotama at ngay tagfawayan, ay namamin ban fagayu. Namabul waban anya fagayu.

Isayas 34:8

Aroro Yawi e nafalganan tua sik menit laman namasud at ngay fawayan laman ggubuk ngay taw Siun.

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Isayas 40:1

Dius nalong te, “Fasuni ku ngay taw.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 58:5

Gina am yud gfangon laman gdarangin, maksvn nu kamababaun am. Garungan am kata sik ugun at ngay don. Gsulun am lanbung tagfatoglag te, kabalu am, ay gtaygilidan am sis dafug. O nunda kata kanya at matuyan nu yud gfangon laman gdarangin? O nu glong ro am guseganan au takatanya?

Isayas 60:10

Yawi nalong sas Erusalem te, “Tagsiginan ban tibak talun at ngay taw nangawat am ngay alad, ay at ngay fun ban namakamulun sa emu. Dewa au nafaurianan emu aroro sa ku dotama, kafanyu au emu aroro matuyan ktua.

Isayas 66:14

Nu nalag ban am ku fakamulun takatanya, guseganan am ay umkaksvn kata sik tanum at marabung. Yawi ban gfalag at fagmabalyananun sat ngay fagsuguan, ay dewa katanya kanya ban gfalag at dotama sat ngay fawayan.

Eremyas 31:13

Ay siginan ban takatanya, at ngay baguina ay at ngay baguama ay anggan at ngay fagtainan guseganan gfalelegan at ngay afud bilug. Gtubus kban fagusegananun at fagwaywayun. Ay abat ngate ban kabalu, gfasun kban anya fagayu.

Eremyas 46:10

Dewa katanya, tam Fun, Yawi at Mabalyanan gbabo ban gina nawayan. Ay ginanya ban kanya mafasud sat ngay fawayan. At fiso kata sik mangilafang takalunus at nangon kafag ngay taw yakmay napsug, ay at nanginum at taguk yakmay napyan. Ay kanya ban fag ngay taw at ngay bilug at mabulan, kata ban sik ngay fanggalangun sa tam Fun, Yawi at Mabalyanan, tagsi sangay furuan sas fawalan fag alvngvdan, munakbang sis Liskung Eufrates.

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Mateu 5:4

Mauseganan ngay taw takabalu, aroro kanya gbul ban Dius at nafatuyanan.

Lukas 4:19

ay laman namoyung au te, andasug wan at buknga tam Fun nu gfalangfe taw.”

Lukas 6:21

“Mauseganan tuam, am fag ngay taw takalunus, aroro e gfapsug ban ayu. “Mauseganan tuam, am fag ngay taw tagwayway, aroro kase tua ban am.

2 Kurintu. 6:2

Aroro kanya nalong te, “Ebi gina au gfalag sa emu ku fakafanyun, nadungug ktua am darangin, ay ebi gina fakalangfean fag menit nagubuk ktua emu.” Amatangani, katsi wan at buknga nu gbul am Dius at fakafanyun. Katsi wan fag menit fakalangfean.

1 Tesalunika 2:16

Kafag ngay taw gsalag nu gfoyung ami at Masine fag Barita sas yud Udyu fag ngay taw laman gsalag kanya fag ngay taw nu kalangfe. Nu katanya, Dius gfaurianan ban anya fagayu aroro fagayu at asalanan maksvn wan nu mauri.