Isayas 61:11 - Fanawbuid tagsibaliwas Fakayabian

¹¹ Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Isayas 61:11 ပူးပေါင်းရင်းမြစ်များ

Fakasigadan 1:11

Ay Dius nalong te, “Tugbungi sas daga nusnga setaw fag tanum, ay anggan tibak kayu tagrawvg at ke bini. Ay kanya fag ngay bini rumawvg yangay ban kata at mesa bilugan.” Ay anfasludan takatanya. Ay Dius nalag te, masine.

Alubad. 72:16

Takagutlu nangus sas fagdaul talun umkayu, anggan sas tungud buksul. Ngay fun kayu at ke rawvg ngayu tua nangus gugat kata sis talun Lebanun fag araw. Ay ngay taw nangus sa sangay furuan umkayu kata ngay makmak nu ngayu.

Alubad. 72:3

Ay umkayu nangus at ngay fananumun at rawvg tagsi sangay buksul, ay anggan nangus at ngay taw umke fagmanabayanun aroro at fun matuyan tua.

Alubad. 85:11

Fagmatuyanun siginans banwa, ay gtugbung ste sdaga.

Sulumun at Alubad 4:16

Tagmara tagsiginans fawalan ay fasiunan fag alvngvdan, uyupi sa ku tanuman laman kayuk nu mabebanglu. Ku fakesugun fag mangama, sakboi sam tanuman laman nangon o at mayayum fag ngay rawvg.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 45:23

Gtuyan au te, fagayu ku ngay nalong di ban ginbalian. Fagayu taw nantudan laman gseg angku, ay namatuyanan te, gfaning ban angku.

Isayas 45:24

Ay kanya ban lumong te, ‘Yawi way tagfon fagmatuyanun ay fagmabitsugun sa sangay taw.’ ” Ay fagayu ban takauri Yawi umkakbang sa anya ay umkapla.

Isayas 45:8

Namae fagmatuyanun au fagayu taw, kata banwa ay linyabu nu gfae arak. Nu katanya, fakalangfean ay fagmatuyanun umrapyag sas fagdaul daga kata sik ngay tanum nu gtugbung. Au Yawi at nafakamulun takatanya.

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 60:18

Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 62:1

Aroro kesug au Siun, kwa ban gfaragang nu garingang au yakmay at fagmatuyanun ay at fakalangfean kalag kata sik salung tagdamlag.

Isayas 62:2

Furuan Erusalem, ngay taw ban sas fagayu talun ay at ngay fun lumag ban am fagmatuyanun ay fagmasineun. Ay Yawi ban namon emu sik bagu fag ngayan.

Isayas 62:7

Lag gfaragang nu kakbang am sas Yawi, yakmay kanya nafadog nafawat furuan Erusalem, sik furuan at mauseganan sas fagdaul daga.

Mateu 13:23

Ngay taw at nadungug ay at natogdungug Dius at Longan, kata ngay bvtang at kintong sit masine fag daga. Kafag ngay taw at fakamulun masine tua, kata yangay kafag tanum nu narawvg. At rawvg siginan tibak bvtang, sik sandan, ay tiba unumk safulu, ay tiba tuluk safulu.”

Mateu 13:3

Isus nafoyung ngayuk faydayuanan sanya fag ngay taw. Kanya nalong te, “Sik tagtanum nakoko laman nananum at ngay bvtang.

Mateu 13:8

Ay tibak bvtang antong sat masine fag daga, ay ngayu tua at rawvg. At rawvg siginan tibak bvtang sik sandan, ay tiba unumk safulu, ay tiba tuluk safulu.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.